無綫「最老」親生仔林韋辰 曾封「亞視視帝」陳展鵬有對手
撰文：溫菁莉
出版：更新：
TVB親生仔近年年齡層越來越廣泛，年輕不再是專利，就快「奔六」，下個月就踏入55歲嘅林韋辰都係親生仔之一。翻查TVB官網《經理人合約藝員 》一欄，雖然林韋辰嘅名字未上榜，但就驚現原來林韋辰是全台「最老」經理人合約藝員。
睇黎陳展鵬有對手啦，因為林韋辰1997年曾憑《再見艷陽天》奪亞視視帝。
眾所周知，林韋辰之前都係出現係亞視，打開電視機見到佢就知係嗰台係亞視，但其實林韋辰1986年就參加無綫藝訓班，從藝訓班畢業後一直做臨時演員，演出作品有《大時代》及《他來自江湖》等，未有太重戲份。91年他就飛往馬來西亞發展，拍攝《灰色都市》及《壯志驕陽》劇集等，成為當地紅星。在當地發展了4年，在1995年亞視高薪邀請回流發展，人氣未有減退，96年憑劇集《再見豔陽天》在亞視台慶頒獎禮上榮奪「亞視視帝」，真係估你唔到！
2016年林韋辰加入TVB之前，曾拍內地劇《蘭陵王妃》，都有好重戲份。(微博圖片)
雖然之後都有繼續拍戲，但竟然在2001年又再重返TVB，拍攝過《洛神》及《皆大歡喜》等，但事業未有太大進步，3年之後又返亞視。可惜當時亞視後期節目製作逐漸減少，林韋辰主力擔任節目司儀，直至2013年合約屆滿，其後改到內地發展。2016年，林韋辰第三次重回TVB，並由部頭約轉簽經理人合約，正式成為無綫親生仔，之前亦拍攝兩部劇集《踩過界》及《雜警奇兵》。