高海寧做過少先隊大隊長 內地讀小學有「職銜」:大家好怕我!

撰文:陳奕熙
出版:更新:

返大陸時不時會見到內地的小朋友都會帶着亮眼的「紅領巾」,好多香港人都會以為紅領巾是內地小學生的象徵,高海寧(高Ling)剛好在微博放了一張陳年舊照,她童年在南京讀書,而在她的頸上正正就帶着紅領巾,她更留言hashtag:「#小學生##我是少先隊隊員##紅領巾#​​」。

高Ling話相片是媽媽回南京探親是見到的。(微博圖片)

《香港01》記者致電問高Ling,談起往事她似乎對自己的童年非常自豪,她笑說細細個已經長得好高大:「不過我就算唔高大,啲同學仔都有啲怕我,因為我係學校電台台長、少先隊大隊長同埋鼓號隊指揮,有好多職銜喺身,搞到大家好怕我。」電台我明,鼓號隊是在升旗儀式中幫忙奏樂的團隊,但少先隊係咩聽唔明……

高Ling表示少先隊全名是「中國少年先鋒」,基本上每個小朋友到一定年紀就會加入:「人人都係隊員,但唔係個個都可以做隊長,隊長係老師揀,通常都係成績好先做到,成績唔好老師都唔會揀你啦。」全校中就只有一個大隊長,換句話講,高Ling當時在校內少先隊擁有最高的「職銜」。高Ling又補充說其實大隊長未算最厲害,內地有個名銜叫「3好學生」,入選者全部都品學兼優,高Ling就曾經做過南京市的3好學生。

高Ling的童年在南京過,讀書時期自然會經歷內地的文化。(Facebook圖片)
+5

不過見高Ling這個post只出現在微博,沒有放在Instagram,難道是想用少先隊的身分得到內地觀眾的好感再打入大陸市場?高Ling笑謂:「唔係啊,只係我將呢張相放喺Instagram香港冇人知係咩,但我放微博大家就會有童年回憶。」高Ling直言帶紅領巾是每個內地讀書的人一定會經歷的階段:「冇得揀㗎,係另一種文化。」

在內地幾乎全部小學生都要帶紅領巾。(網上圖片)

網上資料顯示,少先隊是「中國共產主義青年團受權領導的群眾性兒童組織」,全國約有1億3千萬名少先隊員,基本包含了中國內地所有在校小學生,有部分宗教信徒比較集中的地區,學童會因為宗教理由而不用加入,6歲就會宣誓入隊,14歲後自動退隊。

聽高Ling講的時候,覺得少先隊有點似香港的學校風紀,又有點似童軍之類的組職,到底他們是做什麼的呢?百度百科上寫住少先隊的活動形式主要有:「隊會、參觀、訪問、社會調查、少先隊的陣地活動」,包括有科學、體育、遊戲活動,亦有讓學童得到積極的休息的假期活動。但當中有一段是講思想政治教育活動,目的是幫助少年兒童樹立革命理想,繼承革命傳統,培養共產主義道德品質等。