【開心速遞】送水輝形象搞笑入屋 許家傑一日戲變長期角色

撰文:
最後更新日期:

機會是留給有準備的人,對於無綫藝人許家傑來說,可謂有切身感受,還記得在5月初,許家傑在處境劇《愛.回家之開心速遞》中登場,當時他飾演送水輝,雖然只得一集戲分,但他仍然落力準備,為谷出他的健碩身材及麒麟臂,拍攝前狂舉5加侖水樽50次,當時他接受訪問提到「做得好有機會加戲」,皇天不負有心人,送水輝一角終於在《開心速遞》變成固定角色。

許家傑在5月初的《愛.回家之開心速遞》中,飾演只得一日戲的送水輝。(網上截圖)

送水輝一角甚受歡迎,許家傑即獲加入《開心速遞》大家庭,變成長期角色。(Instagram圖片)

送水輝一角可塑性甚高,除了大大隻外,劇中他還是出租男伴,呂慧儀更誤會對方追求她,鬧出連串笑話,本來送水輝純粹用來推動呂慧儀跟馬貫東的戀情,想不到獲網民大讚角色搞笑,甚受歡迎。許家傑接受《香港01》訪問,他表示正在拍攝《開心速遞》,但要到106集才會出場(現時播到80集),「處境劇係冇完全嘅壞人,咁之後會寫我變返好嘅,但點解會有咁嘅發展,當然唔可以穿橋住啦。」

許家傑在劇中是出租男伴,更因為呂慧儀誤會對方追求自己,鬧出連串笑話。(Instagram圖片)

之前劇情說到許家傑是出租男伴,莫非當中有何苦衷,「咁又唔係喎,劇裡面講我本身好願意做出租男伴,只係有啲嘢改變咗我啫。(重新加入《開心速遞》,劇中人是否對你充滿成見?)其實只得長腳蟹(呂慧儀)、馬貫東知道我真面目,當然觀眾都知啦,劇裡面其他人就唔知嘅,都當我好細心,好識去take care人,啲女仔又好鍾意我呀,而今次我又會gel晒頭,造型唔同晒,成個富二代咁,監製話我今次要好斯文、好誠懇嘅。」

許家傑正忙於拍攝《棟仁的時光》,飾演黑社會大哥「頭七」。(Instagram圖片)

其實許家傑不止忙於拍攝《開心速遞》,在另一齣劇集《棟仁的時光》中,也會見到他的蹤影,而且戲分頗重,「依家上午拍《開心速遞》,夜晚開《棟仁》。(《棟仁》的角色?)我個角色係黑社會嚟嘅,叫做頭七,而阿Ben(袁偉豪)佢係PR公司做嘅,我哋有一個龍頭造勢大會,就搵咗佢哋幫手,依家乜嘢都講marketing㗎嘛,佢就梗係唔願意做啦,而我哋會迫佢搞囉,都幾搞笑嘅。」許家傑連孭兩劇外,稍後播出的《踩過界》亦會見到他的演出,機會一浪接一浪。

許家傑經常做gym,操得一身健碩肌肉,相當煞食。(Instagram圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。