倪晨曦分享瘦身秘訣：同人share一個飯盒
撰文：溫菁莉
出版：更新：
現時蜜運中的倪晨曦透露，有時男朋友送的禮物，心意比價錢更重要。（溫菁莉攝）
倪晨曦(Elva)今日下午出席Fred珠寶店開幕禮，她透露曾經收過男朋友送的首飾但就不是太貴，覺得有時心意好重要而不是價錢。擁有fit爆身形嘅Elva一向都唔介意騷泳衣相到IG，當然被網友大讚啦！她表示自己的食量好正常，身形都是靠做運動得返黎，最鍾意早餐同午餐都會食牛油果，「大家可能會驚牛油果脂肪好高，但其實佢係一個好脂肪，食完唔會儲存係身體，反而帶走唔好嘅嘢。」
Elva話明白有好多女仔減肥就選擇唔食嘢，佢就話咁係大錯特錯！（溫菁莉攝）
只食牛油果又點得呢，倪晨曦就話食菜都好重要，話自己夜晚10點後儘量不進食，但如果要拍戲拍到通宵又點算呢？她笑言，「可能同人share一個飯盒，但我就唔會食全部飯，唔好完全飽肚。」Elva指keep fit唔係要唔食嘢，反而練好肌肉可以幫助新陳代謝。她其後透露近期除了做瑜伽，仲多了一個興趣就是打拳，「其實兩項運動量好高，因為瑜伽可以拉筋，令血液循環好一些。boxing就燒脂，但會令筋骨變緊，有好有唔好。」講到突然之間玩boxing，是否有意日後做打女？她笑言自己比較錫身，「我做運動都會好小心，盡自己能力。」