譚玉瑛任比賽評審 自爆拍兒童節目唔怕小朋友煩：我唔係好睬佢哋
撰文：吳子生
出版：更新：
譚玉瑛今日（13/1）現身尖沙咀出席慈善演藝比賽。譚玉瑛受訪時表示看見一班小朋友表演比賽，想起舊時主持無綫兒童節目《430穿梭機》的回憶片段...
譚玉瑛透露閒時會游水做運動打發時間。（陳順禎攝）
譚玉瑛透露閒時會游水做運動打發時間。（陳順禎攝）
她說：「今日有一種溫馨嘅感覺，同埋講真以前同而家做係有好大分別，因為以前嘅小朋友同而家嘅小朋友好唔同，以前如果有評審嘅時候，面對啲參賽者，佢哋大多數都係學校又或者家長覺得佢哋有潛質，所以要佢哋嚟參加，好多時佢哋都覺得自己係好得，點知佢哋輸咗就會喊。」
譚玉瑛今日以評審身份出席慈善演藝比賽。（陳順禎攝）
譚玉瑛續說：「相反而家啲小朋友就好犀利，佢哋係會主動參加，對贏輸睇得唔重要，因為家長同老師對佢哋期望冇咁高，變咗佢哋就冇壓力，所以而家我見到個情況好健康。（而家見到小朋友會唔會頭到暈埋？）其實以前我都唔會嘅，因為我唔係好睬佢哋，我嘅意思係指自己唔係一見到小朋友就會即刻錫佢同抱，同埋同佢傾偈嗰種人。」
譚玉瑛今日以評審身份出席慈善演藝比賽。（陳順禎攝）