黎淑賢設靈｜黎燕珊大讚Bonnie愛心爆棚關心基層市民：落手剪頭髮
撰文：吳子生
出版：更新：
前亞姐黎淑賢（Bonnie）去年12月26日被家人發現在北角住所燒炭自殺身亡，終年47歲。喪禮今日（18/1）於香港殯儀館設靈，讓親友作最後道別。下午5時許，黎燕珊身穿素服神情哀傷抵達靈堂為亡友作最後悼念。黎燕珊逗留個半小時後離開，她受訪時表示：「其實喺對上一次見佢（黎淑賢）時都察覺到佢有啲問題，不過過咗去嘅嘢都唔想講咁多，因為作為黎淑賢嘅好朋友，對佢係一個尊重，都過咗去，都希望佢喺另一個地方繼續開心快樂。」
黎燕珊逗留個半小時離開靈堂。（葉志明攝）
黎燕珊續說會繼續完成黎淑賢的心願：「因為佢生前都好鍾意幫助有需要嘅人，佢係會落手落腳去啲受惠家庭，幫人落手落腳去剪髮，所以我哋大家都一致覺得，我哋唔好喊，如果喊係會對佢唔好，因為佢個人係好開心嘅，以後嚟緊我哋都會低調繼續去做慈善活動。」
黎燕珊表示會繼續完成黎淑賢生前心願，幫助有需要的人。（葉志明攝）