李龍基未婚妻Chris是非纏身 麥玲玲教路：靠口搵食保持低調好啲
撰文：吳子生
出版：更新：
香港著名堪輿學家麥玲玲師傅今日（23/1）現身將軍澳出席新春佈置揭幕禮。提及李龍基連日來受未婚妻Chris的負面新聞影響，精神備受困擾，麥玲玲師傅在接受《香港01》訪問時表示：「其實本身我成日都會見到基哥同佢未婚妻阿Chris ，佢哋兩個都係好熱情，希望佢嘅事情快啲過啦。同埋嚟近龍年，有個『五黃』災星對宮，無論我哋搵食講嘢嘅，唱歌嘅，做DJ嘅，都會多少是非麻煩嘢多。」
麥玲玲表示靠把口搵食的人，需要時刻保持個人低調，避免是非纏身。（梁碧玲攝）
玲玲姐續說：「尤其係年尾搭住年頭嘅時候，保持低調之後，就會慢慢過到去一個好啲嘅情況。我就覺得佢哋兩個可以出去玩吓，借吓地運，避開吓呢段時間，我諗會比較好啲。尤其以口搵食嘅朋友，就保持低調就會好啲。而真正係娛樂圈犯太歲嘅生肖嘅有龍、狗、牛、兔仔。其實娛樂圈最唔怕犯太歲，尤其相沖嘅狗，相對機會係多啲嘅，又或者結婚沖喜吓。（Chris唔係娛樂圈！）其實佢都算係一半娛樂圈人。」
麥玲玲透露李龍基及Chris為人相當熱情。（梁碧玲攝）