06年神作要集集打筋斗破門 徐榮：後生轉身360 side kick都得
撰文：林通賢
出版：更新：
拍《刑事情報科》當時徐榮32歲，場場打筋斗當然沒有難度。
網民不時翻Loop神劇，《大時代》、《創世紀》這些基本上不時在討論區出現，不過昨日出名二次創作Jackz facebook就將2006年《刑事情報科》剪輯，將劇中徐榮及李泳豪20集的演出輯錄，發覺二人幾乎集集都要打筋斗及踢門，每次行動組要破門而入，徐榮必打前滾翻，一次過睇足20集精華，不少網友都覺得精彩。
《刑事情報科》被網民捧為神劇之一，徐榮、李泳豪除了經常打筋斗、踢門，這場戲話要「殺人滅口」亦係經典場面。
網民重温徐榮打筋斗看得開心，但徐榮就表示當年拍得好辛苦，他說：「嗰陣監製戚其義，問我最耍家係咩？我話前滾翻啦，因為以前都玩過武師，佢想我個角色每次出場有啲特色，咁就每次都要打筋斗囉。。。哈哈，我後生啲嗰陣轉身360度ｓｉｄｅ ｋｉｃｋ都得㗎！（成套劇總共打咗幾多個筋斗？）嘩！多到唔記得喇，至少都幾百個，嗰陣都有墊ｐａｃｋ，但都打到背脊疼哂，（有無睇返《妙手仁心》？）有好多人ｓｅｎｄ俾我，我覺得自己老咗好多呀！」４２歲啫……有幾老呀？徐榮強調自己還可以打筋斗，但幾百個就應該唔得喇。
+6