【展昭重現江湖】57歲何家勁現身TVB節目 內地做生意任惠州政協

撰文:
最後更新日期:

大家對呢個展昭一定唔會陌生喇!(網上圖片)

今天下午時份阿Bob(林盛斌)在Facebook上post了一張Amazing Summer的活動照片,大家發現有一個久違了的樣子出現在眼前,原來是何家勁,唔通佢復出拍電視?以演展昭令人印象難忘的何家勁,當年在最後一屆麗的電視藝員訓練班出身,亦是前職業足球員,効力過香港甲組足球聯賽球隊流浪,仲踢過香港青年軍,現在間中都會踢吓香港明星足球隊。自從1988年過台灣發展後,一直都保持人氣,更加憑《包青天》中飾演「御貓」展昭一角而爆紅,大家都會記得他演的展昭。之後便開始將重心轉移到中國內地,在2013年拍完最後一套電視劇《新燕子李三》後便再沒有在幕前演出,專注搞健康食品生意,更加成為了惠州政協以及惠州旅遊形象大使。

久違的何家勁(中)睇落個樣真係仲好後生,不過看來心廣體胖不少呀!(Bob Facebook)

究竟點解何家勁會出現在TVB的綜藝節目當中呢?《香港01》就找來阿Bob解話,他說:「因為我地今次玩遊戲的其中一個地方是在勁哥間公司,他現在大陸搞緊食品生意,所以佢出嚟幫我地搞吓氣氛,非常之好人,又借個場地俾我地用。」阿Bob還說,阿勁保養得宜,同以前做展昭的時候無乜走樣喎,阿Bob說:「我都有問過他會不會再出來拍劇,他都話好想,不過生意實在太忙碌,如果有機會一定會拍。」單看照片,勁哥略為心廣體胖了,不過阿Bob則表示雖然勁哥比自己大20年,但當他拍埋去的時候,覺得比勁哥還要老上幾歲,認真大鑊!

勁哥仲勁多演戲細胞喎!(Bob提供)



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。