奔跑吧！勇敢的女人們｜黃瀅仴病住開工唔敢偷懶：同自己講要撐住
撰文：吳子生
出版：更新：
無綫新人黃瀅仴（Verena）今日（30/1）抱恙現身電視城出席無綫新劇《奔跑吧！勇敢的女人們》開鏡拜神。Verena為配合劇中「世界女」角色，不懼寒風，身穿清爽性感短裙上陣為劇集宣傳造勢：「其實今日個天氣都真係幾凍，而我而家咁嘅造型，我都特登着咗絲襪都覺得冇乜幫助。不過好彩我都準備咗好多暖包，一陣埋位拍嘅時候，我就會將啲暖包放晒喺條腰度，咁就應該會暖好多。其實早兩日我開始唔舒服，我已經即刻去睇醫生，然後食藥。但把聲就開始講嘢冇乜聲，呢兩日都有食藥撐住開工，因為怕影響拍攝進度，變咗我都有為自己打氣，同自己講要撐住。」
Verena今日出席新劇宣傳造勢活動。（葉志明攝）
Verena病住開工。（葉志明攝）