美斯無上場｜盧覓雪睇唔到偶像落場勁失望：唔係嚟睇G.E.M表演

美斯領軍的國際邁亞密昨日（4 日）與港隊在大球場進行表演賽，可惜美斯樂最終沒有落場表演，連在場邊熱身都沒有，全場只坐在後備席，令大批入場觀眾非常失望，而傳媒人盧覓雪亦有入場觀賞賽事，她表示看不到美斯落場踢波相當失望，更拍片上載到《叱咤903在晴朗的一天出發》fb ，她說：「我當然而家好失望啦，我斷估唔係嚟睇G.E.M表演嘅，下半場中段咁上下啦，啲人叫退錢、退錢，退錢嗰啲係講國語嘅，講廣東話嘅就回水，回水，嗱，而家係不斷喺度噓嘅，呢啲係真實嘅民意反映，唔係我屈佢哋㗎，大佬！」

而陪伴盧覓雪的有DJ橙咇咇，他就用幽默方式安慰雪雪，他說：「我代表廣大嘅球迷安慰返美斯嘅球迷，唔好咁嬲啦，係咪先，同美斯同一個場睇波，美斯陪我哋睇波喎，你諗下幾好！」