【賭城群英會】王晶冇新意又係靠水著女 焦點高海寧:最盡尺度

撰文:郭敏玲
出版:更新:
就如對白所說。(影片截圖)

差一步成為倉底劇《賭城群英會》今晚就正式出街,這幾天都有不少片花曝光,其中有一幕就是高Ling繼《不懂撒嬌的女人》之後,再一出上演出水芙蓉的畫面,相當吸睛。高Ling就話為拍這場戲,足足減了3個肥,一日3餐都吃烚菜烚雞肉,她說這個身型就是她人生顛峰:「係我最fit嘅時候!」如此一說,更加值得睇。高Ling透露之後仲會著女僕衫,似乎是焦點所在。不過高Ling就話這個尺度已是最盡,將來都不介意拍類似場面:「唔係特登就得喇!」

下圖係《賭城風雲2》,又係雀局。(影片截圖)

之但係咁,高Ling笑言不止她一人要落水,叻哥同陳法蓉都會出水。不過,就算有幾多人要出水,就咁睇片花就會有兩種感覺。一係「一睇就係王晶出品喇。」,一係就「乜好似咁熟口面咁嘅」;冇錯!情節、橋段同用人都與王晶之前作品差不多,就好似《賭城風雲》系列咁,不外乎水上派對、雀局,以及勁多大電視監測。除咗將賭場鬥爭再化大,會殺人填命、下場比較悲慘之外,就咁睇都可能以為自己煲緊碟,睇返幾年嘅舊戲。又或者見到四哥,都會覺得《千王之王》由民初走返嚟21世紀嘅。

另外,片花仲見到文凱玲同何浩文,雖然今次兩人沒有感情線,對手戲都較少,文凱玲都戴返副眼鏡做斯文乖乖女,不過都見到何浩文赤裸上身喺舞池跳舞......其實係咪睇緊《鴨王》番外篇?《鴨王》crossover《賭城風雲》都係第一次!

+6
係同一套?(影片截圖)