ROVER出道｜亨仔跳舞魂燃燒要征服經理人寶姐 　希晉成最低級隊員

由《全民造星V》季軍亨仔（陳鎮亨）及殿軍希晉（王希晉）聯乘Kim（卓金樂）及Jason（雷濠權）組成的ROVER正式出道，4子昨日（2月29日）首次公開演繹第一首作品《秒速八公里》。ROVER接受訪問時，透露Kim為隊長、Jason 與亨仔為副隊長，而無級別嘅希晉唔排除會被「欺壓」。

Jason原是澳門YouTube頻道「歡樂馬介休」成員，他表示自己是換了一個地方去打拼，但由於仲係學生，所以接下來要兩邊走。同是大學生嘅亨仔表示學校支持自己追夢，並透露會努力減肥，「爭個樣，同明星仲有啲距離，起碼要減肥先啦，塊面V啲，一年之內啦！」向來有跳舞魂嘅亨仔透露想同KC、Tsoul跳舞，但經理人寶姐極力阻止，豪言要「征服寶姐」。

提到他們在2月29日出道，要4年才出現一次，究竟如何慶祝出道日子，他們笑謂有信心4年之後仍在一起，但一想到4年之後才長一歲感到好笑。