【Ben Sir開Show】唔撈政府工有新出路 Ben Sir:係萬中無一例子

撰文:
最後更新日期:

有請文化界嘅代表,Ben Sir!(拍手)(梁碧玲攝)

Ben Sir為理想放棄「金飯碗」

講開Ben Sir,其實不經不覺就已經到開show日子。他由本來讀英文科轉到中文科碩士再讀到博士,然後10年前進入大家每晚必看的小箱子內,再之前TVB的節目,再再到現在踏足舞台開show。可說是難得。

訪問中談到,原來他其實在選擇讀博士前,確實有了一點迷茫,「讀碩士至博士中間,你話真係完全冇工開就冇。但係中間2年我有啲迷失讀唔讀落去好。另外去到碩士尾嗰時,我要quit咗教官校嘅政府工,冇咗個金飯碗去做助教。突然間去返萬幾蚊一個月,嗰度都係一個大嘅考慮。嗰個時期唔係話好徬徨,因為我已經結咗婚。所以如果青少年想讀書穩定啲,就早啲結婚。」係嘅,如果當初Ben Sir選擇咗繼續打份政府工捧住個金飯碗,可能今日就少咗個笑匠。

電視節目、廣告都有你份,好屈機吖。(梁碧玲攝)

香港讀中文科都有出路

其實Ben Sir的演出一直都踩界的,無論講粗口文化、有味笑話又或者政府的題目,都是電視上少見的。究竟對大眾會有咩影響呢?Ben Sir語重心長的說:「正面影響係,原本讀文科中文出嚟係可以將學到嘅嘢貢獻喺表演文化上,同埋係搵到錢嘅。我可以話係萬中無一嘅例子,而學生其實可以用返我嘅模式。原來研究廣東話係有條咁嘅出路,呢個係緊要嘅。」至於負面影響,Ben Sir笑着說:「負面影響so far我又諗唔到,因為對我嚟講:賣唔到飛就係負面,賣到飛就係正面(哈哈哈)。」

影相時Ben Sir都有交足戲㗎。(梁碧玲攝)

Ben Sir玩facebook

Ben Sir個人咁潮,就梗係會玩下facebook。在facebook放相同廣告片,同普羅大眾交流是常識吧。當然Ben Sir咁出位,就一定有彈有讚啦。好在Ben Sir EQ高,唔多介意,「最難聽嘅說話咪斯文敗類、沽名釣譽囉。十幾年前都係講呢啲,其實都係一模一樣冇咩新意。」
另外,Ben Sir在一些節目中教青年儲錢的方法,但卻惹來網友批評:「你宜家嘅地位,呢個人工當然儲到錢啦。我哋宜家點儲錢?」之後Ben Sir慨嘆:「即係叫人儲錢都係死罪。」

「斯文敗類、沽名釣譽」,我都估唔到網友鬧人會咁文雅。(梁碧玲攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。