【足球趣聞．有片】AC米蘭為討好贊助　賽前跳Haka被斥超錯

為了贊助，你可以去到幾盡？AC米蘭（AC Milan）就以行動表示「錢真係好緊要」！今晨這支意甲名牌球隊以0：0賽和卡比的賽果不重要，賽前米蘭特意安排11名臨時演員扮球員，在聖西路球場上大跳Haka舞以討好護膚產品贊助。波又贏唔到，又無搵「巴神」巴洛迪利激情演出，球迷當然唔收貨。

Haka是太平洋地區的傳統舞蹈形式。運動界之中，最著名的Haka當數新西蘭欖球隊贏得冠軍後，在球場上跳Haka示威。不過AC米蘭就唔跟劇本，賽前搵11個演員穿上整齊的制服，以友善的眼神交戲，觀眾睇到O哂嘴。舞蹈中不少動作都是拍打臉部，原來係為了配合N字頭的球隊護膚產品贊助。戲就做完波都要照踢，AC米蘭在新帥布洛治領軍下，排出巴洛迪利、卡路士巴卡等好手，最後廿次攻門不果只能賽和17位的卡比，以34戰53分列第6，要爭取歐霸資格，仍距離第5的費倫天拿6分。