【歐國盃】12碼一係入一係唔入 拉莫斯後衛腳唔應該再操刀？
撰文：周立賢
出版：更新：
C朗拿度唔入，沙治奧拉莫斯唔入，奧斯爾昨晚又唔入，究竟12碼有幾易入？據資料分析員羅拔奧干拿指出，互射12碼階段有七成人能射入網，有人以為經驗重要，但他的研究顯示，22歲以下的球員較高命中率，唔通「初生之犢不畏虎」真有其事？
拉莫斯早年在歐聯把12碼射上天空，後來更成為西班牙物理科的題目。（資料圖片）
波蘭於16強氣走瑞士，成為今屆首支以互射12碼晉級的球隊。（資料圖片）
歐國盃加至24隊，比賽場數增加，自然較大機會在淘汰賽階段打和要由互射12碼分勝負。正所謂12碼一係入一係唔入，但如何強化極刑卻是各隊研究重點，2006年世界盃，德國就用數以萬計的數據分析，得出阿根廷球員起腳的慣性，事前把相關資料告訴門將列文，才能經互射12碼氣走阿根廷晉級。數據分析員羅拔奧干拿把他的研究公之於世，他分析互射12碼階段有七成人能射入網，入球率較法定時間期間操刀低︰「前鋒有83%射得入，後衛只有73%，而且22歲以下更有85%得手，而21歲以上的只有78%。」
數據不說謊，至於如何演繹卻是另一回事。奧干拿未有進一步解釋射失的原因，例如22歲以下球員起腳次數較少，未必有足夠代表性。可能，他的研究只是想向30歲的西班牙後衛沙治奧拉莫斯暗示「不要再射12碼」吧。