【歐聯全攻略】豪門恩怨新一章 PSG求再闖決賽 迎兵疲曼城有計
撰文：威廉神
出版：更新：
歐洲聯賽冠軍盃4強首回合另一場賽事，本港時間（28日）深夜繼續上演（球賽編號：星期三13，4月28日深夜3時開賽）。巴黎聖日耳門為求連續兩年躋身決賽，今仗迎戰要多線出擊的曼城，兵疲又有主力受傷的曼城，首回合先響頭炮絕不出奇。
PSG在8強首回合作客領先衛冕的拜仁慕尼黑，次回合回到主場，上半場已3次中柱中楣更落後1球總成績打和，最後下半場成功捱過難關，憑作客入球晉級。
曼城面對多蒙特更驚險，次回合先落後瀕臨出局邊緣，幸對手球員安利簡恩下半場頂頭槌省中自己手，曼城靠12碼扳平而重奪優勢，再贏2：1晉級。
【迪布尼8強策動入球精彩重溫】（按圖逐格睇）
+6
兩支中東富豪球會恨捧盃恨到出面，今屆仍然爭做本土聯賽加歐聯雙冠王。PSG去屆飲恨，今屆已氣走最強敵人下，想入波毋須想太多。重點球員基利安麥巴比3仗入5球，聯賽近期入球亦多。
歐聯4強球隊簡介（按圖放大）
客軍曼城今季要捧走英超只是時間問題，目前明顯會將全副心力放在歐聯。8強兩回合小將菲爾科頓為球隊奠定勝局，中場大腦迪布尼在剛戰聯賽盃決賽已正選上陣，今仗料可候命。
尼馬在8強次回合85次觸球，是PSG觸球最多的球員。（路透社）
兩軍在16強及8強均首回合領先，而上半場已經取得入球；其中曼城更加穩定，4場淘汰賽每場入兩球，而他們先作客更會主動搶入球。預料雙方今仗都會搶韁，相信今仗雙方鬥攻，半場已可出現今球騒。
哥迪奧拿與教練團隊剛成功得到聯賽盃，現時要全心向終極目標歐聯獎盃奮進。（路透社）
不過正因為剛在聯賽盃決賽勝熱刺，體力或多或少受影響，除了估計多入球外，主隊巴黎聖日耳門亦稍為看好。
【同場加映】2020福布斯球員富豪榜（按圖進入）
+5
本周歐聯直播：
4月28日（周三） 03:00 皇家馬德里 VS 車路士（Now643、有線656/616、無綫myTV Super303直播）
4月29日（周四） 03:00 巴黎聖日耳門 VS 曼城（Now643、有線656/616、無綫myTV Super303直播）
【同場加映】歐洲5大聯賽轉會「大嘥鬼」（按圖放大）
+19
【同場加映】歐洲5大聯賽轉會精明眼（按圖放大）
+5