足球熱話｜麥巴比訓練入金球 網民斥無意思：你係球員唔係海豹
撰文：趙子晉
出版：更新：
轉身﹑不望龍門﹑後腳攻門，難度系數極高，法國球星基利安麥巴比一氣呵成，操練時交出金球。不過，有網民認為麥巴比的行為充滿表演成份，訓練這樣做是沒有意義。
世界盃歐洲區外圍賽D組，法國以12分高踞榜首，今晚（13日）深夜只要擊敗哈薩克，便可穩奪決賽周入場券。
面對實力稍遜的哈薩克，法國算得上是穩操勝券，眾將訓練時亦神情輕鬆，隊中球星基利安麥巴比更在操練時展示神乎其技。隊友右路傳中，在空無一人的禁區內，當皮球着地前，麥巴比看似輕鬆地轉身後腳撞射，皮球直飛入網，完美地攻入世界波，場內立即有歡呼聲。
麥巴比為對哈薩克一戰備戰，訓練時輕鬆交出金球。（資料圖片／Getty Images）
麥巴比的入球賞心悅目，看似「求其一腳」，實質是難度十足，不少球迷紛紛讚好，但亦有網民表示無意思，「又係練波，又無防守球員，大佬呀你係球員呀，唔係海豹，唔好喺到騷嘢啦，練波射到幾勁都無用啦！」
👇點圖睇：英超前列防中比較 👇
+13