【有片】英業餘隊「世界級」罰球引爆恥笑

「嗱，你啲噉嘅假動作呢可以再假啲添。」創意十分重要，執行卻也不能忽視。英國業餘聯賽球會車頓咸日前以5個球員炮製一記「世界級」罰球，令人哭笑不得，成為網上熱話。

周日凌晨英格蘭第4級聯賽「一哥」車頓咸作客燦米爾，這支英格蘭西南部球會在對方離門30碼博得罰球，怎料是笑料的開始。由球迷上載的片段可見，共有5名車頓咸球員於皮球後預備，但只有一名隊友在禁區頂準備接應，以為他們有新奇搞作，卻搞出個大頭佛。車頓咸4名球員先後扮起腳，令燦米爾不知所措之際，另一名球員終於起腳，怎料完美在足球場演繹「撻cue」，皮球不消半秒即在鏡頭外消失。有網民話係史上最「佳」罰球，諷刺金球可謂曲到圓，又有好心網民體諒車頓咸，話可能經過反覆訓練，點知作賽時不似預期而已。

正所謂3分已袋，車頓咸憑丹尼韋特3分鐘建功以1：0贏波，延續21場不敗及4分領前優勢，相信球隊亦對這記罰球一笑置之。