二創Pokemon性玩具 情趣小精靈迎合另類「玩家」
撰文：黃正軒
出版：更新：
（Geekysextoys.com）
人所共知《Pokémon GO》已經席捲全世界，征服全宇宙。遊戲在香港開通接近兩星期，這股狂潮令到晚晚港九新界個個公園都訓練員爆滿，有港男日瞓5粒鐘捉齊142隻小精靈，人人談論「你今日捉咗咩？」、「你今日去咗checkpoint未？」，打機果然可以抹平社會一切紛爭。幾十年前歐美嬉皮士「Make love, no war!」常掛口邊，廿一世紀可能要改少少做「Play game, no war!」計我就話：「Why not both?」
「別人笑我太瘋癲，我笑他人看不穿。」澳洲布里斯本有間今年新創業的成人情趣玩具商GeekySexToys，創辦人身為熱愛ACG的御宅族一員，自然匠心「毒」運，他們開宗明義要為世界各地御宅族帶來高潮快感，設計以ACG作品為題材、得意好玩又安全的「二次創作」情趣用品。這班奇人最近食住《Pokémon GO》風潮個勢，推出了《Pokémoan》系列（中文名可以考慮譯做「寵物小呻吟」），共有四款以矽膠為材料製成的假陽具，一見其色彩，即令人忍俊不禁、笑出腹肌，完全就是以比卡超、小火龍、車厘龜同奇異種子這四隻小智早期擁有的小精靈為藍本，外形各異，刺激身體不同部位，點樣玩就由用家自行參透了，個人覺得幾搞笑，唔玩都可以當擺設。
「Bulby」的頂端一睇就知係奇異種子背上面粒種子。售價69美元。（Geekysextoys.com）
小火龍尾巴那點「一熄就會死」的燭火變成「Charmy」，尖瑞挑逗出如火熱情咁話。售價69美元。（Geekysextoys.com）
以車厘龜為模範整成的「Squirty」故名思義與「潮」有關。名副其實的「龜頭」和龜甲刺激不同部位。售價69美元。（Geekysextoys.com）
「Piky」靈感來自比卡超條電尾，比十萬伏特電能效應更high，用落咩位不方便講，請讀者自己參詳。售價50美元。（Geekysextoys.com）
四合一套裝，限量50套，連個箱都特登油到好似精靈球咁，非常抵死。（Etsy.com）
GeekySexToys還售賣其他不同題材的情趣玩具，像美劇《權力的遊戲》、日本動漫《美少女戰士》以至《星球大戰》、《鐵甲奇俠》等知名作品都是惡搞的對象，顧客還可以自行訂造，當真是一條龍服務，令人嘆為觀止。有「性」趣的朋友請去官網以及其ETSY網店平台自己慢慢觀賞。