【踩過界】李佳芯結局翻生 張振朗話港版都有彩蛋:我哋一視同仁

撰文:溫菁莉
出版:更新:

TVB週末播出嘅劇集《踩過界》上星期就進入第二季,雖然內地愛奇藝就一早有得睇晒,但香港嘅觀眾好似就想每個星期追住睇先夠過癮,而今日愛奇藝就突然放彩蛋,並講原先嘅結局嚟一個大反轉。原本嘅結局係張振朗被懷疑是殺死千雪BB嘅兇手,身為好友嘅李佳芯為了追查真相就獨自前往案發地點搜證,但不幸遇到真正兇手單立文,其後遭對方推落懸崖墮海而死。但今次彩蛋最後李佳芯竟然出現,但就無講任何一句對白,咁究竟係咪死過翻生呢?(媽~我好亂呀)對於有呢嗰彩蛋嘅出現,主角之一嘅張振朗接受《香港01》訪問時表示,「我哋一視同仁,所以TVB同內地都會播呢嗰彩蛋做大結局!」

+2
之前結局李佳芯前往搜證時不幸遇上真正兇手單立文,更遭對方推落懸墮海死。

張振朗指Never嘅出現可以俾觀眾一個幻想空間,「究竟never係咪無死到定係我地嘅幻象呢。」問到當時拍攝時,是否有兩個結局劇本時,佢就話,「其實一開頭拍攝都係就咁拍,Never最後咁樣出現,俾觀眾唔好咁sad,始終整套劇都好多人死,開心下幾好呀。」咁即係早前播出嘅大結局只係剪走Never嘅出現,睇嚟已經煲完劇集嘅觀眾今個星期又要慢慢追返先得!

4位主角最後咁人齊出現係大結局中,咁係咪有機會拍攝《踩過界》續集?張振朗就話呢啲就要交俾公司同高層決定,「其實唔單止係我,係我地4個人好想拍,因為今次化學作用好難得,難得觀眾又咁鍾意,但我知道監製手頭上有其他劇集忙。」至於會否想續集講更多他與Never嘅感情時,「我驚下一集會講我同盲俠結婚咋。」