TVB 2018劇集名單流出 《鳥紋身的男人》其實係咩劇種？
打頭陣的TVB台慶劇《老表畢業喇》及《使徒行者2》差不多進入尾聲，收視好唔好就見仁見智。而接下來的就會播出由馬國明主演的《降魔的》及《溏心風暴3》，咁觀眾最想睇嘅《宮心計2之深宮計》、《大帥哥》及《平安谷之詭谷傳說》劇集呢？據知會將排到明年初才會播出。而日前影視博客游大東就上載一份疑似TVB的《2018TVB節目巡禮》名單，一共有20部劇集將向廣告客戶推介，其中有10部現在已經在拍攝中。而未開拍的劇集名都幾好笑，有《鳥紋身的男人》，《陳皮梅與山楂餅》，仲有《最陌生的熟悉人》等。
當中《陳皮梅與山楂》你以為係講食物？咁你就錯喇，根據名單上寫嘅話是中藥版《On Call36小時》，係一套青春醫療劇。另外醫療劇仲有一套話就話係《律政強人》延續篇，名為《白色強人》，我估都係沿用《白色巨塔》做藍本，唔知會唔會再邀請方中信與廖啟智演出呢？不過，最好搞笑一定是《鳥紋身的男人》同《最陌生的熟悉人》題材分別是古裝武俠和時裝懸疑，只看劇名已經令人笑，究竟最後會是甚麼演員陣容，相當令人期待。
除此之外，名單上亦有7套綜藝節目，相信其中有兩個都頗矚目，分別是《李克勤，梁榮忠Variety show》及《女王華麗50年》。講起前者必定會想起2005年由他們主持的《殘酷一叮》，口號「全城盡興，殘酷一叮」當年有不少觀眾都背得出，節目決賽《叮皇爭霸戰》更創下33點，近年有不少網友都會定期翻loop當年爆笑的節目片段。部分參賽者例如喬寶寶及莫凱謙亦因節目而投身娛樂圈，究竟今次係用咩形式推出，觀眾就要拭目而待！至於《女王華麗50年》，如果無估錯嘅就應該係講今年入行50週年的汪明荃喇。早前就有講過TVB將會阿姐開拍劇集《汪明荃》來祝賀，唔知《女王華麗50年》係咪之前講嘅talk show《汪明荃今夜我最精彩》正式節目名呢？BTW，相信TVB 50週年真係有好多精彩節目送給大家！