【爸爸去哪兒】吳尊同仔女做直播 幫Max揀老婆:大20歲也可以

撰文:鄺鈺瑩
出版:更新:
網友問到吳尊有無懷念飛輪海的時代,吳尊話當然有,更透露前幾日先同汪東城聯絡。(影片截圖)

吳尊因《爸爸去哪兒》已成為模範爸爸,連帶一女NeiNei一子Max嘅一舉一動亦大受歡迎。吳尊日前首次同仔女一齊喺微博開live,短短1小時就已經吸引4千多萬人次觀看,足見節目的威力。直播開始時,NeiNei不時在旁搗亂同做鬼臉,更叫吳尊脫衣服,場面超級混亂,不過,身為爸爸嘅吳尊雖然不停嘆氣,但亦十分有耐性咁同仔女講道理。直播中,有網民提到因女兒一番說話而落淚,吳尊略為驚訝表示:「真的沒想到自己會哭,Neinei說再見的時候我很感動,覺得她很棒、很勇敢。」

吳尊透露有安排Max上中文補習班,更叫Max即場用中文跟網友打招呼。(影片截圖)

除了NeiNei以外,Max的人氣也很高,有網友問點先可以成為吳家新抱,吳尊先把鏡頭轉向工作人員,笑稱「她們會吃醋」,跟着就話:「我知道你們年紀比較大,但是肯照顧他,大20歲也OK。」之後鏡頭再轉向NeiNei,問需唔需搵個男仔畀佢,結果NeiNei依然古靈精怪做鬼臉叫:「不要!給弟弟,我不喜歡!」非常好笑。

直播時,Max跑向房間,吳尊係咁問:「誰在那邊?」NeiNei就話:「那個是我媽媽。」(影片截圖)