TVB頒布「禁色令」之後，黃智雯今日出席餐廳開幕時，穿上型格外套，卻暗藏細節，內裡只有bra top，相比同場走開性感路線的歐陽巧瑩及麥美恩，贏了成條街，名副其實以細節取勝，成為眾人焦點。黃智雯笑言從來沒有自我審查：「我著衫都係睇返個total look，著靚衫都係擺上IG，無話唔性感就唔得嘅。」

最近「性侵」一詞成為網上熱搜keywords，加上十優港姐麥明詩公開講到有類似經歷，讓不少網民關心當中細節。黃智雯表示保護自己好重要：「以前做空姐，周不時都聽到有同事試過畀人博懵，但好多時因為工作關係，都冇即時同身邊嘅人講。加上我本身都有跳開舞，少不免會有身體接觸，但自己都要去判斷個種接觸係咩，如果令到自己好hard feeling嘅話，咁真係要講出口。」黃智雯好好彩，so far都冇試過唔好嘅經歷。

同場嘅Mayanne是麥明詩的好朋友，但她未清楚對方近期所發生的細節，自言會問候對方。Mayanne向來都好活潑，就話自己從來沒有試過類似經驗：「我把聲都嚇親人喇，仲點會搞我。同埋好在我身邊有屋企人陪住，又有好朋友，所以冇咁嘅經歷。」Mayanne就話保護自己有好多方法，「當然把聲夠大都好有用喇，又或者搵朋友陪住就會好啲。」