【誇世代】陳豪係世紀慈父 每晚為囝囝講故事：佢哋追到好開心
撰文：林通賢
出版：更新：
陳豪和陳茵媺一直都是被公認的模範夫妻，而3歲大仔到達適學年齡之後，他們更送大仔到國際學校就讀。結婚生仔之後，身為人父的陳豪雖然工作繁忙，劇集一套接一套，又要開始他自己的咖啡生意。
陳豪出名愛妻，ig經常放閃。
不過陳豪也沒有因工而忘記屋企人，原來陳豪一家人每日都會有共聚天倫的時間。「我哋每一晚都一定有bed-time story，由細到大都冇變過。」
嘩，原來陳豪同陳茵媺，每一晚同會同自己嘅囝囝囡囡打開本故事書講故仔，真係好sweet吖。陳豪：「每個仔仔，甚至囡囡都會make sure個bed-time story嘅時間都唔會miss，每人都會讀一本。我覺得bed-time story時間對小朋友樣閱讀興趣係非常之大幫助。我哋依家仲買咗一本蜘蛛俠嘅故事書，英文嚟嘅，仲有埋個picture。本書都幾厚㗎，我哋每晚都會講一個chapter。嘩，追到佢哋不知幾開心。每個chapter六至十頁，咁就每晚由佢哋追落去囉。」
陳豪每晚都會對仔女講故事，最近為小朋友慶祝生日，更同太太化身超級英雄。（Instagram圖片）
所以話陳豪真係世紀好爸爸，工作咁忙返到屋企仲咁堅持呢個bed-time story嘅習慣。不過陳豪都表示，原來這個習慣有好處亦都有壤處。「類似反而我大仔讀書讀得太多，忽略咗咩叫社交。所以到咁上我哋就會講：唔得，唔可以睇書，要去社交吓。」