被影到拖女上酒店？ 洪天明：希望大家唔好再影響我屋企。
撰文：張嘉敏
出版：更新：
洪天明本月初仲同太太周家蔚 (右一) 恩愛拍拖去澳門出席活動。
洪天明上周末被拍到在上海新天地一間夜店飲酒消遣，離開時戴上黑色口罩他竟然帶着一名妙齡美女到停車場取車，之後一起開車直往酒店，去到酒店後，兩人更公然拖住手去搭lift上房。事後天明回應傳媒坦承今次事件確實令到太太周家蔚不開心，不過目前就未影響到兩人的婚姻關係，除此就沒有作進一步回應，亦未有否認有關報道，令人更加好奇想知到底當晚天明和那名女子發生了甚麼事。
天明太太周家蔚有因為今次事件唔開心。
今日，大陸騰訊娛樂就表示天明所屬的內地經理人公司銀河海潤獨家回應了，天明的經理人直指這全是因為喝酒壞事，承認天明當晚喝了很多酒，該名女子只是去攙扶住天明，兩人才會順勢牽了手而已，更強調兩人沒有做任何其他的事。他又謂天明事發後已向公司做出解釋，承諾之後會慎行，也不會再放肆飲酒。不過睇返事件短片中的天明步履輕盈，並唔似飲醉酒，過程中該名女子亦沒有攙扶住他，而且飲醉酒理應唔可以駕車的，為何天明還可以去攞車駕往酒店呢？莫非是醉駕…….？
周家蔚日前仲同班姊妹開心飯聚。
而洪天明今日接受傳媒訪問時就回應表示：「「無乜特別回應，因為呢件事唔係大家想像咁差嘅嘢，一場誤會囉。真係誤會，我就無對我太太做出任何背叛嘅嘢。今次我講完之後，希望大家唔好再影響我屋企。」至於他的太太周家蔚亦和老公口徑一致表示佢話﹕「純粹一場誤會。」仲話自己信任老公。天明個太太咁好就要好好珍惜啦！
天明事發當晚都係載住口罩，不過係黑色。
天明已經係兩子之父，太太又索，好心就修心養性啦。