Jessica C. 平安夜IG宣佈再度有喜：P.s. not from Santa！
撰文：溫菁莉
出版：更新：
去年誕下囡囡Tessa的名模Jessica C.（JC）經常在IG上與大眾分享寶貝女的近照，不少粉絲都大讚現時牙牙學語的Tessa超可愛！今日平安夜咁普天同慶嘅日子，著住白色寬鬆冷衫嘅JC下午在Instagram上載短片表示自己再度有喜，並留言話，「VERY grateful for my Christmas gifts! P.s. not from Santa！」又係三年抱兩嘅好例子！
JC在今天平安夜在IG上宣佈自己再度有喜！
+3
JC不時在IG鋪上全家福，十分溫馨！
安志杰今年10月與JC在夏威夷舉行婚禮，Tessa仲做花女！
現時懷孕三個多月的JC接受訪問時難掩喜悅，表示自己同老公安志杰都好開心，但就未知BB係仔定女。其實安志杰今年10月與JC與在夏威夷舉行婚禮正式成為夫妻，寶貝囡Tessa仲做花女，場面勁溫馨！自從Tessa出生後，安志杰和JC出席活動時都曾表示為怕Tessa寂寞，會繼續努力追B。其實JC早前接受《香港01》訪問時，多次已經話希望可以幫老公追多個仔，「想囡囡有一個妹妹和一個弟弟，所以最少會生三個，我和Andy都要努力工作賺錢。」估唔到咁快就傳來好消息，相信Tessa一定係一位好家姐！