【萬千星輝】唐詩詠終奪女主角　喊住多謝田蕊妮：聽我呻又陪我瞓

「最佳女主角」好多人爭，但都有結果喇！就係由唐詩詠得到！佢就即刻爆喊！佢就立即在台上多謝好多人，主要多謝《不懂撒嬌的女人》有個好角色畀佢。

之後佢就多謝一個人，就係田蕊妮：「我一直等緊係台上多謝你，我記得㗎。」佢形容田蕊妮：「我知道一個人我好鍾意佢，佢會教我做戲做人，聽我呻又會陪我瞓。」聽完呢度大家都以為佢同洪永城復合，但原來係多謝阿田，好多人都笑咗！

最後佢再多謝一個人：「上半身奉獻畀咗愛情，下半生畀咗我。就係我媽咪，雖然佢冇喺度，但我希望佢知道，咁多年我好掛住你，你之前教過我做嘅嘢，我都好記得，我知道我唔完美，但我一直再努力，做唔同更好嘅角色。」