【萬千星輝】江美儀為攞視后去到好盡　唔著黑絲有大deep V

TVB的萬千星輝頒獎禮的紅地氈永遠都最多嘢睇！有「黑絲儀」之稱的江美儀，今次都算搏到好盡，正當湯寶如出場，佢真係好密實冇咩睇頭，心諗唔係因為「禁色令」嘅時候，美儀姐一出現令人O晒咀！

佢撓住麥包手出場，見到佢一身See through，衫上仲有啲鑽石，一睇就知係貴嘢，再嚟多個大deep V！就算美儀姐45歲都係一樣咁索！而且盛傳TVB力捧佢做視后，唔知佢今次終極性感，係咪為咗攞視后嘅時候，可以靚一靚咁見人呢？