【後生仔傾吓偈】馮盈盈語出驚人係遺傳自爹哋:同佢比我甘拜下風

撰文:張嘉敏
出版:更新:
馮盈盈有個好玩得嘅爹地。

剛播出的一集《後生仔傾吓偈》相信睇得一班觀眾同網民都好有共鳴,因為題目是「令你又愛又恨的屋企人」大家一定好有感受啦。今集除了有麥明詩 (Louisa)、馮盈盈 (Crystal) 同陸浩明三位主持同幾位大學生KOL,仲有蔡思貝同余德丞做嘉賓。雖然今集是出賣屋企人系列,不過他們都無講屋企人壞話,證明他們同屋企人關係好好啦。而不時會畀人話語出驚人的Crystal,就大爆自己個老豆講嘢比自己更爆更出位。

Crystal話自己老豆講嘢好爆好出位。

Crystal話:「我阿爸好鍾意玩,成個大細路咁,講嘢都幾爆幾出位,我同我阿爸嚟比,我真係甘拜下風。」原來Crystal的「口才」是遺傳自她老豆,果然有其父必有其女。Crystal的老豆仲屬於外貌協會,揀女婿係要睇樣的。Crystal表示:「佢由細到大就教育我,阿女你第時揀男朋友知唔知最重要係咩?最緊要係要靚仔,你要對佢成世㗎喎,你揀個唔靚仔嘅樣衰嘅,咁點算呢?所以記得要揀個靚仔嘅。」做父親竟然是教個女以貌取人,呢個阿爸真係非一般呀。

今集係出賣屋企人系列。
蔡思貝自13歲打後就無再同屋企人住。
+4