岑麗香去馬爾代夫好Chill　索人妻小背心開live勁吸like

早前台慶頒獎禮都不見岑麗香的影蹤，原來她正在放假休養生息。日前就與老公阿強到馬爾代夫旅行，有網民就猜測這是兩人的「造人之旅」，來到陽光與海灘，身心特別舒暢。

香香來到馬爾代夫幾天，於是在Facebook開Live跟大家分享在外地旅行的心情。在直播途中，香香不為意讓老公阿強的腳板上鏡！原來老公正在睡覺攤唞，香香就趁老公休息開Live，這樣既低調又可以各自有私人空間！幾好！

由於馬爾代夫天氣炎熱，所以香香都換上健康緊身小背心散熱！不過，女人最重要就係塊臉，所以香香直播中途都戴上草帽，並說：「我嚟到呢幾日，係日日都搽防曬㗎，因為真係好曬呀！」剩係話好曬，香香都顯得好cute！

來到馬爾代夫，當然會落水。香香其後都分享在當地玩過甚麼活動，例如潛水、睇海底動物：「我哋都睇到一啲鯊魚BB，真係好細條。同啲海豚有好近距離嘅接觸，又見到啲海龜。」不過，令香香最開心就是她去了浮潛：「其實我一直以嚟都好怕去到好深水嘅地方，但馬爾代夫大家都知啲水深極有限，所以就試一試…至於滑水，就遲下先再試喇！哈哈」香香話去馬爾代夫七日確實有點長，但是就當休息，因為她回到香港之後，連新年都要工作了。