馬國明談如何令女友唔詐型:唔好令佢覺得被忽視

撰文:冼燕珊
出版:更新:

馬國明今日現身元朗,一身驅魔人Look拍攝TVB節目《降魔的捉妖遊戲》,佢接受《香港01》訪問,一向出名性格耿直的馬明,表示自己唔擅長玩遊戲:「好似七級豬果啲就唔係好擅長玩,成日輸,不過捉棋例如象棋果啲就OK。」

馬明今日著長褸拍攝TVB節目《降魔的捉妖遊戲》,話自己其實唔擅長玩遊戲。(梁碧玲攝)

講起玩,馬明就話佢放假有一個獨沽一味嘅嗜好,就係踢波:「如果我嗰個禮拜唔使開工,我真係會每日都去踢㗎喎。(咁咪無時間陪女朋友心穎嗎?)咁唔會踢足全日嘅。」好,嚟條終極問題,踢波同心穎,邊樣優先?馬明就話:「問呢啲?!」佢諗咗陣就話:「會同佢(心穎)溝通咗先,佢唔係嗰種管太多嘅人,俾我好多自由,同佢一齊好舒服。」

睇馬明咁猶豫,大概係從來無經歷過心穎詐型,其實心穎嘅安全感,完來全靠馬明三招必殺技:「我覺得兩個人要溝通,同埋唔好俾另一半感覺將佢排到好後,要主動做啲嘢令佢覺得自己喺你心目中係重要的。」

馬明大讚女友心穎俾好多自由自己。(梁碧玲攝)

就嚟情人節,我哋之前問過心穎,佢話當日要開工,情人節前一日生日嘅馬明都話連續兩日都要開工:「我覺得生日嗰日嘅工作係一份好好生日禮物,可以接到嗰個job其實我好感恩。」

好多女朋友都投訴另一半掛住踢波或打機而忽視自己,馬明就話唔好令另一半覺得自己被排到好後。(梁碧玲攝)
馬明嚟緊生日同情人節都開工,雖然無得慶祝生日情人節,不是佢話做嘢賺錢都好開心。(梁碧玲攝)