【34歲生日】韓庚認戀《戰狼II》女主角盧靖姍：你好，我的女孩。
撰文：溫菁莉
出版：更新：
2010年主動退出韓國組合Super Junior回內地發展嘅韓庚，昨天是其34歲生日，當然要在微博祝福下自己咁。點知韓庚竟然係生日正日宣佈與細2歲嘅中美混血女星盧靖姍拍拖，更留言表示，「你好，34歲。你好，我的女孩。」而盧靖姍也以「你好，我的男孩。」回應。他們從來沒有合作過拍攝電影或電視劇，突然宣佈戀情，令不少粉絲為之震驚！
昨天踏入34歲生日嘅韓庚，就係微博寫上一句，公佈自己與盧靖姍嘅戀情。
據知，韓庚與盧靖姍於去年一起為金雞獎擔任「最佳音樂獎」的頒獎組合而認識，其後女方更在微博感激韓庚有gentleman風範，係自己落樓梯時細心扶著她並表示，「剛才沒機會說bye bye，很開心認識你…」，而重點係當時韓庚之後都有回覆仲話：「是我的榮幸！」明眼人都睇得出有啲嘢！
韓庚與盧靖姍在去年曾一起為金雞獎擔任「最佳音樂獎」的頒獎組合而認識。
可能大家對於盧靖姍唔係咁認識，雖然佢有一副鬼妹嘅樣子，但其實佢係一名香港人！爸爸是美國功夫演員Roy Horan，而媽咪是香港人，佢自小在香港學校上課學中文，喺香港長大嘅佢講得一口流利廣東話。14歲那年曾短暫到美國生活，但因為不習慣回流香港入讀國際學校。同年，她15歲向日本音樂教父小室哲哉拜師出道，仲出過一次碟叫做《Good News Bad News》，但後來在父母要求下，中學畢業後便到英國讀大學，主修經濟。
盧靖姍曾演出美劇《綠箭俠》，飾演「Shado」一角。
盧靖姍大學畢業後就進入娛樂圈發展，曾參演多部港產電影，之後被美國著名經紀公司CAA簽下，打入荷里活出演一系列美劇，最為人所熟悉的就是《綠箭俠》，她在劇中飾演「Shado」一角，展現好身材與身手，頗受劇迷喜愛。而去年亦參與了由吳京執導的電影《戰狼2》，內地票房更突破35億人民幣，躋身內地一線女演員之中。
有睇電影《戰狼2》嘅觀眾，對佢應該唔陌生。