陳豪大讚陳茵媺廚藝高超　新年派近千封利巿

陳茵媺（Aimee)自從嫁咗俾陳豪之後，很少公開露面，今日孖老公陳豪一齊出席新春活動，可能天氣有啲凍，Aimee都著返密實啲，問到新年係咪準備咗大量利巿銀彈，陳豪和Aimee說:「封了近千封利巿，琴晚好努力咁入錢俾大家，（小朋友有幫忙一起封嗎？）佢哋太細個了，（有喺側邊望住你哋封?）無吖無吖，我唔俾吖。驚佢哋攞晒，佢哋最叻係搞搞震，無幫襯。」

三位小朋友都係幫手逗利巿好過喇，幫爸爸媽媽回返啲利巿本，之前森美教大家慳利是錢大法，就係唔好去一啲多小朋友嘅屋企拜年，佢特別提到陳豪呢種生三個嘅，就唔好去佢度拜年，陳豪聞言話:「真係未見到森美，等緊佢派利巿畀我啲小朋友。」森美其實都係講吓笑姐，佢同陳豪咁老友，就算過咗年都唔會走數啦係咪。而作為陳豪鄰居嘅楊怡一家，楊媽媽就特登登門派利巿畀陳豪三位寶貝，仲有送埋年糕俾畀佢哋，陳豪都大讚非常好味!

講到食，陳豪大讚老婆Aimee廚藝高超，鬼妹仔嘅Aimee仲包辦屋企嘅團年飯，陳豪說:「佢平時煮開西餐，團年飯要煮中餐都難唔到佢，我可以同你哋講，Aimee真係煮得非常好味!」Aimee就話為家人親自下廚一啲都唔辛苦，雖然兩公婆結婚多年，但依然超sweet。