【波士早晨】最期待的畫面出現 李佳芯水着索爆林泳淘巨胸被blur
撰文：張嘉敏
出版：更新：
李佳芯在劇集《波士早晨》中破天荒着三點式拍劇！（電視截圖）
由女神李佳芯 (Ali) 主演的《波士早晨》昨晚已經播出了大結局，而大家最期待的畫面終於出現了！昨晚那集有Ali穿着桃紅色比堅尼性感登場，仲有close up影住她的心口同纖腰，好吸引。Ali玲瓏浮凸的身材睇到在場一眾男士雙眼發晒光，而女士就明顯因為妒忌質疑她有隆過胸。其實Ali的身材好均稱，點睇都唔似係僭建過。同樣都是以水着上陣的簡淑兒就密實得多喇，得對腳可以睇下。
Ali樣靚身材正。
睇到啲男士雙眼發光。
Ali當然樣靚身材正啦，該場戲最搶鏡的卻是林泳淘，穿上比堅尼在泳池中游水的她大曬豐滿上圍，仲要出現了不止一個鏡頭。但最離奇是於最尾一幕她的巨胸竟然無啦啦被blur了，明明之前幾秒都仲出得街，唔知無綫此舉同去年公司頒下的禁色令有無關呢？
林泳淘嘅噴血身材明明前一個鏡頭仲睇得好清楚。
最後一幕竟然被blur咗。