【好Mean】林志玲不老傳說終打破？ 被指發福走樣：對不起
撰文：洪曉璇
出版：更新：
志玲姐姐去年4月已經試過被網友話佢有發福現象。（微博圖片）
「美魔女」一詞源自日本，意思指「35歲以上仍然才貌兼備嘅女性，就像女巫般施展魔法使自己看起來年輕美麗」。華人代表當然不得不提林志玲啦，之前更曾經登上英國《每日郵報》，凍齡美貌震驚外國媒體。不過新年過後志玲姐姐再現身，居然被網友指佢肥咗好多，唔通同言承旭有關？
到底邊一part會睇得出林志玲已經43歲？(林志玲微博)
林志玲3月初終於再現身活動，不過塊面同埋手臂真係漲咗少少。（視覺中國）
去年林志玲言承旭驚傳世紀復合，雖然兩位當事人都叫大家俾啲空間佢地發展，不過一啲外在微妙變化又真係無可避免會被注視。新年前志玲姐姐因為感冒，導致免疫系統失調，宣布全面停工休養，連賀歲片《西遊記之女兒國》宣傳都全面取消，已經有唔少網友猜測佢係有咗BB要安胎。
唔知係咪因為大病初癒，志玲姐姐對眼電力真係好似跌咗Watt，活動上攝影師影到唔少呢類攰樣。（視覺中國）
志玲姐姐早兩日終於重出江湖，到上海連續出席兩個活動，第一個晚宴被網友見到有個疑似雙下巴，到另一個活動志玲就改著一條貼身紅裙，盡顯S曲線，腹部平坦點睇都唔似有喜，不過唔知係咪因為病咗食得藥引致水腫，塊面又真係圓咗少少，對眼又攰咗少少，被網友毒舌話：「不老傳說終打破！」林志玲其後留言話：「對不起~~我會元氣滿滿不讓大家擔心的」。病咗佢都唔想架，女藝人認真係唔易做呀，志玲姐姐，加油！好嗎！
睇嚟水腫只限於面同手臂，林志玲整體上依舊好S。（視覺中國）
事後林志玲都有更新社交網站，呢句對不起到底係講緊病咗令人擔心，定係肥咗令人失望呢？（林志玲Facebook）
+2