【我是歌手】張韶涵瘦到驚見「巫婆手」　粉絲心痛：食多啲嘢喇！

最近台灣女歌手張韶涵參加內地歌唱真人騷《我是歌手》，竟然再度被外界重提，當年與同公司歌手范瑋琪的8年恩怨，搞到二人的粉絲爆發罵戰。無論是張韶涵，還是范瑋琪，甚至是范范老公黑人陳建州都紛紛為事件發聲，希望盡快平息風波。而網友最近在睇《歌手2018》時，驚覺張韶涵樣貌10年如一日，與當年出道的樣子完全無分別，稱她為「不老女神」。不過粉絲意外發現張韶涵手上嘅皺紋太皺，加上擦深紫色嘅指甲油，仲話近睇好似「巫婆手」。

當天她穿上孔雀綠晚裝，露出超纖細的手臂與美腿，大唱西班牙歌曲《Besame Mucho》及洗腦神曲《Despacito》應戰。估唔到網友唔係評論她的歌聲，而是關注佢對手。「巫婆手」言論一出引起好多網友的討論，部分網友指可能舞台燈光昏暗，才會產生錯覺。但都有人「柯南」上身搵返過去她手部的照片，懷疑張韶涵因為身形過瘦才會令人誤會變「巫婆手」，留言表示希望她可以食多啲嘢，咁先有體力消化繁忙嘅行程。