【多圖】2018TVB藝員照出爐 黃心穎突發性感開胸：可能燈光問題
撰文：李妍樺
出版：更新：
記得上年無綫高層樂易玲WhatsApp訊息流出，下令公司女星唔可以有賣弄性感鏡頭，「禁色令」一出，女藝員個個都包到實一實，收起個Body，平時Facebook或者Instagram晒相都會收斂一啲；另一方面，劇集都有「減甜」配合，好似《溏心風暴3》入面黃宗澤攬女18禁場面會用黑幕遮蔽，就連明明以性愛做題材嘅劇集《性在有情》都要變成教育電視，20集都被人Cut咗做18集，唔通連睇電視都要「被過濾」？
而早前內地微博發佈咗2018最新藝人照，就好似証件相咁，一人一張，個個都Set晒頭，著到好似去見工咁。高海寧亦罕有收起驕人身材，改走斯文氣質路線，個個都正正常常，去到黃心穎突然一轉畫風，冇啦啦著咗件See-through，仲要開胸開到落肚，性感到不得了，呢套戰鬥衫應該擺係台慶著，而唔係放做証件相喎。
+6
大家都著得好formal，高海寧都罕有唔走性感風。（網上圖片）
+6
輯相出街之後，黃心穎自己都嚇一嚇，佢喺Facebook上面話：「聽聞呢張係2018新的藝員照片、自己都唔記得有影過……」乜咁大整蠱，不過唔好理，大家有靚相睇就得啦，事後《香港01》問返心穎究竟係咩一回事，點解突然玩性感呢？黃心穎自己都一頭問號：「嗰件衫係拍月曆嘅時候揀，嗰陣時驟眼睇係冇咁透嘅，影出黎可能係燈光問題，冇咩特別Preset係咁。冇乜所謂啊，其實我都唔知佢張相係用嚟做咩，通常佢哋張相都唔係點用。」
黃心穎自己都嚇親啊。（網上截圖）
+8
咁心穎BB又的確係正嘅。（網上圖片）