林子善簽王晶做經理人：係時候畀人睇我喺無綫學咗乜

林子善自08年加入無綫至今，雖然一直被稱為「綠葉」，但其實這塊綠葉的代遇不錯，《怒火街頭2》、《城寨英雄》、《同盟》佔上一席位之餘，更是《飛虎》以及新劇《十二傳說》的單元男主角。不過，昨日在王晶公司的「星王朝2018新片及眾星巡禮」上，赫然發現與「鴨王」何浩文、伍允龍並列。林子善接受訪問時，透露去年已簽約王晶，是否有意做力爭鴨王之位呢？他笑言「無所謂」

提到與王晶合作的契機，林子善表示一切緣於《城寨英雄》。「因為當時同經理人完約，而伍允龍個經理人Mandy義務幫我好多，我就提議不如合作啦，但佢話自己係晶哥公司，咁點先可以共事呢？」林子善為此簽約王晶，他指自己有八成的電影作品也是王晶公司的，所以早已有一定的認識。「晶哥覺得我入TVB 10年，係時候畀人睇我到底這段時間學會了什麼、到底係未有料，加上他認為拍戲、網劇、發展內地市場對我來說並不是壞事。」雖然有一連串的設計，但林子善簽約後一直未停過TVB劇，不過，他打算拍畢《十二傳說》後，好好屨行與王晶的合約。

問到與王晶合作，是否因為婚後要養家？林子善說自己並沒有這方面的顧慮。「雖然錢係未都要賺，但你有運就有錢，就好似作品收得都唔一定係靠實力，我睇得好化，當然你搵得我，我會比足你，唔係話因為TVB畀得少要留力，我係香港藝員，所以想要參與香港的製作。」林子善說自己雖然小演員，但也希望透過作品為大家帶來正能量。

林子善早年憑《怒火街頭2》成功入屋，無綫曾以高薪利誘他成為「親生仔」，但他最後選擇了開冰室殺出一條血路，如今約簽王晶，怕唔怕方丈嬲豬？林子善透露剛與無綫續了三年的藝員合約，且獲高層珍姐（曾勵珍加薪，令他受寵苦驚。「其實TVB好錫我，今次續約見到加了薪酬，我都問點解咁多，同事告訴我是珍姐的決定，因為她認為我乖同做得嘢。自己做老闆都明，如果下屬成日提住加人工，會令人覺得你唔係有人做，我自己傾續約就從未提過加薪。」林子善大讚無綫有人情味，不少監製開劇時都會找他，儘管未曾做過男主角，但自問已經十分足夠。「同埋我係未真係有資格去做呢？」