【藝人當入樽】余文樂只排第二 黃德斌飛出宇宙稱霸球壇
香港雖然地方細細，但奇人盡出，除了網民一手發掘的「TVB四大奇人」外，原來還有不少藝人有超乎想像的必殺技！「入樽」向來被視為籃球界的絕招，高大身形、極強的彈跳力均缺一不可，但香港地卻潛藏著不少籃球高手，有網民特別評選10位「識入樽的藝人」，以下逐一為大家介紹：
第十位：陳 豪
在2011年無綫劇《點解阿Sir係阿Sir》，陳豪飾演以警察臥底身份混入中學的教師，為了教好一班Band 5學生，於是使出必殺技「籃球入樽」，令學生睇到眼定定之餘，亦令觀眾驚嘆老師都有如此好身手！
第九位：吳卓羲
而在同一套劇集飾演重案組督察的吳卓羲，眼見劇中死敵輕易入樽便即刻挑機，最後都執返尾彩。TVB果然人才濟濟，一套劇集竟然有兩個演員有入樽絕技，真係失覺晒！
第八位：方力申
眾所周知方力申是游泳健將，亦是前香港游泳代表隊隊員，但估唔到他打籃球都有一手！去年8月，前NBA重量級球員奧尼爾（Shaquille O'Neal）來港為籃球表演賽擔任教練，奧尼爾一時興起抱起隊友小方玩「雙人入樽」。從未摸過籃球框的小方，在奧尼爾的協助下終一嚐入樽滋味，更一度抱實籃球框唔放，並捉實框架做引體上升！
第七位：金 剛
無綫藝人金剛向來被網民指與現役NBA太陽球員Leandro Barbosa為失散的孖生兄弟，網民於是惡搞Barbosa的入樽片段當成金剛。
第六位：黃宗澤
同樣是TVB出身的黃宗澤（Bosco）亦在2011年試過入樽，他出席遊戲品牌的籃球明星賽時，在港隊籃球員的幫助下成功在人前入樽。從今以後，Bosco除了代表作《最後祝福》外，又多一項成就獲網民追捧了！
第五位：翟威廉
2010年港男冠軍翟威廉（William）是其中一位圈中籃球精英，他去年以「微笑老虎」之名主持兒童節目《猩猩補習班》時，示範一邊教英文一邊打籃球，更即場入樽。不過籃球架比William只高約「一個頭」，似乎太少看William的身手！
第四位：鄭伊健
鄭伊健在1994拍攝改編自經典漫畫《男兒當入樽》，已使出旋轉入樽的絕技，可謂香港演藝圈的「入樽始祖」！在半場已起跳的伊健，以360度旋轉式避開想搶波的敵隊球員後，隨即較準位置入樽，不愧為「波神高秋」！
第三位：鍾欣潼
別以為入樽是男性球員的專利，Twins成員鍾欣潼（阿嬌）原來亦身懷絕技。阿嬌在2001年推出的《愛情當入樽》MV中，便在三分線帶著籃球一躍跳起入樽。雖然她身形嬌小，但彈跳力驚人，就連身旁兩位高大的黑人球員亦因自覺不如而自動放棄，難怪阿嬌可以揮低其他男藝人登上第三位！
第二位：余文樂
數到入樽，又點少得香港的唯一NBA球星Fisherman Lok（費沙文．洛）呢？被網民戲稱為前NBA球星Fisherman Lok（費沙文．洛）的余文樂，是圈中有名的籃球狂迷，去年他為代言飲品拍廣告時，便以一招「水底入樽」技術性撃倒所有球迷。雖然水底的阻力會提高入樽的難度，但身為「退役NBA球星」的樂仔有咩做唔到？網民對樂仔再次大騷「成名絕技」均表示興趣，更讚賞他臂力驚人：「將充滿空氣籃球壓入水中入籃，臂力差少少都做唔到。」
第一位：黃德斌
到底黃德斌有何能耐撃敗前NBA球星費沙文．洛奪去第一名？即刻為大家開估！黃德斌在2012年劇集《4 in Love》中完美示範的「街場入樽」，曾被網民封為超越Vince Carter（有「半人半神」之稱的NBA球星）的神級入樽！最為網友讚歎的是，黃德斌在入樽後身體依然向上升，完全反地心吸力！有人更戲言如果黃德斌當下沒有捉緊籃球框，分分鐘已飛出地球！
雖然大多數網民對於費沙文．洛被黃德斌搶走第一名大感不滿，但上載影片的網友亦有合理解釋：「無錯樂仔每次入樽都好完美，但當你知道黃德斌每次都係生死邊緣入樽，你會知道冠軍應該係屬於黃德斌。」
手機APP用戶，請按此連結觀看影片。