【不懂撒嬌的女人】游生袁文傑霸氣鬧阿仙奴 撈足14年：感恩亞視
撰文：林通賢
出版：更新：
袁文傑在《不》劇飾演游生，甚有霸氣，除了演員外，亦是阿仙奴忠粉，不時在YouTube放片講波。
《不懂撒嬌的女人》焦點不單止女藝員，就連亞視oppa袁文傑都令網友眼前一亮，45歲的他在劇中飾演游生，非常霸氣，有兩場分別和高海寧、唐詩詠游水戲，身型保持得非常好，近引來網民搜尋他的陳年「玉照」，08年他同吳婷欣去了日本東北部拍攝旅遊節目《愛在異鄉的季節》，其間全祼上陣，為亞視出力不惜一切。袁文傑除了是演員外，亦是英超球會阿仙奴的死忠，更經常在YouTube 球星台，《傑出阿仙奴》講波，分析阿仙奴每場的嬴輸關鍵。
藝員講波講到咁認真，非常少有，袁文傑每一條片都長達20分鐘，一定要做足功課先能夠講到，更意想不到是他這個YouTube節目竟然吸引到《不懂撒嬌的女人》監製收看，亦因為見他理性分析得來又有霸氣，最後找他飾演游生，他說:「估唔到，原來監製睇過我喺啲網上平台講波，覺得我講波嘅時候都有啲霸氣喎，就對我有啲了解囉，我唔係鬧㗎，我係撐㗎，打得好就讚，唔好先鬧。」
袁文傑因《不》劇上位，近日有網友找回他在亞視時期，全祼上陣拍攝的旅遊節目宣傳照
在亞視不多人認識，今次在無綫一出現就有人談論，有網友覺得他在亞視浪費時間，但袁文傑覺得要感謝亞視給他的機會，他說:「我覺得任何嘢睇時機，我當年讀訓練班，但當時我出到嚟成pat嘢咁，你話我嗰陣喺無綫，又代表咩呢?唔代表係好，分分鐘玩幾年就消失都未定，我覺得喺亞視，唔係外界所講咁大嘅浪費，因為佢俾咗好多實戰機會我，呢樣我要感恩。」
袁文傑在劇中當大老闆，連宣萱都要怕了他。
提起亞視，網友一定負評，但袁文傑只想到要多謝及感激恩人，他說:「有兩位恩師對我好好，一位是蕭苼前輩，我入去佢就俾機會我，另一位是凌雪娥小姐，喺佢俾我做大騷嘅司儀，明白嘅，亞視永遠處於一個低一個嘅位，但作為藝人去到攞一個實戰經驗絕對不是壞事，我唔覺得喺亞視係一個好大嘅損失，無以前又點會有而家嘅嘢呢?做人要睇機遇，我只而家嘅心態係配合TVB，慢慢嚟等機會。」
+1