河國榮終於衝出香港　孖住畢彼特拍美劇《戰爭機器》？

近日河國榮在Netflix的《戰爭機器》(War Machine)宣傳廣告上登場，廣告入面Netflix仲將河國榮同畢彼特剪接埋一齊。宣傳片主題係應徵演員，河國榮十分搞笑地扮嘢應徵，在畢彼特「面前」試戲，個個網民睇完都話正添，紛紛在facebook留言「加油」，「明白人生機會唔多，睇完有的感觸」，還有網友表示如果有河國榮參與劇集拍攝，就會即刻訂閱netflix咁話。

之後河國榮更補充說 :「呢個試鏡構思話咗俾我知，自己過去30年的嘅演藝生涯你冇白費到，因為呢次『在畢彼特面前試鏡』証明了好多觀眾都記得我曾經演過好多不唔同種類嘅角色！」而貼地到爆又香港味的他更加說 : 「好開心我可以係『試鏡』時rap出一啲能代表到香港嘅元素，例如菠蘿油及港式奶茶等，呢啲都係我最鍾意嘅食物。」「我覺得搞笑嘅係，畫面上可以睇到其他軍人一臉疑惑，點解會係阿富汗聽見西方人唱廣東話歌？！」

「在拍攝當天一踏入新加坡的片廠，便看見現場貼滿了我以前在電視劇中飾演不同角色的造型照。雖然面前站著的是一個外國團隊，但那刻真的好像是身處香港一樣! 很佩服這班外國工作人員，能找到一些很久以前、甚至連我自己都未見過的造型照，就像為我的30年演藝生涯製造了一個小回顧! 我自己看完短片之後，首先覺得導演的剪接功力很厲害，出來的效果很精采。」

最後河國榮仲補充道 :「我在幻想，如果將來畢彼特有機會看到這片，會否對用廣東話來rap產生興趣呢？」

河國榮本身來自澳洲，由1987年開始已經在香港發展，偶然之間更成為TVB演員，先後更參與大量電視劇演出。但至2000年開始，河國榮已經淡出電視演員的演出。 離開TVB之後，河國榮在近年已經重返電視界，除了港台節目《申訴II》，ViuTV《詭探》外，更加有奇妙電視《香港有寶證》。數下數下，其實真係邊度都有河國榮出現 。對於網民對宣傳片一致好評，河國榮仲回覆話好開心添。如果河國榮真的有份飾演其中一角的話，就應該是繼黃秋生，惠英紅之後又一個衝出國際的香港演員，真係好威水吖。

河國榮加油吖，你得嘅!