【妙手仁心III】仙氣12年都keep到 吳美珩老公身家過百億唔憂做
撰文：林通賢
出版：更新：
吳美珩似唔似太妍就見人見智，但她的仙氣，就算12年後的今日，都有人讚。（網上截圖）
無綫深宵重播的《妙手仁心III》雖然和《蘭花刼》一樣是標清，不過就受歡迎得多了，至少令人晚晚追看，除了陳豪兒子陽仔搶鏡外，亦有不少網友大讚吳美珩係當年大台美女。劇集雖然和現在相差12年，但吳美珩的仙氣是超越時空，到今日都有不少網友讚她，更覺得她的樣子有點像韓國偶像組合少女時代的成員 ─ 太妍，或者兩位靚女都是內雙眼皮，面尖尖，所以令大家覺得人有相似。其實吳美珩不單止網友喜歡，就連不少無綫監製都想她復出。
吳美珩最後一套無綫作品為2013年《鳯舞香羅》，劇中和黎珈而有不少對手戲，黎珈而是誰？黎姿囉，人哋改咗名呀。（網上圖片）
今年45歲的吳美珩，父母為醫生，她是三藩市州立大學國際關係學士，96年選國際華裔小姐亞軍之後入行，吳美珩和其他同期花旦不同，是有點獨特氣質，但最大特點是與世無爭，爭上位、冧高層做視后，這些新聞不會出現在吳美珩身上。又有人覺得除了性格外，最大原因是她老公王華麟很有錢，身家市值100億，現在當然不止啦！吳美珩亦曾被拍得她駕着馬沙拉蒂跑車，對於老公有百億身家，真係好濕碎。
其實2015年監製李添勝曾經想開拍《呂后傳奇》，當年就有傳找過吳美珩復出做女主角，但之後就傳佘詩曼，更在節目巡禮有出現，可惜最後沒有拍成；最近吳美珩亦被拍得同朋友high tea，看來要她復出，相信網民和無綫一眾監製只能FF了。
+1