陳冠希真係做老豆？　抱B笑到四萬咁口似足好爸爸　

陳冠希（Edison）與內地名模女友秦舒培拍拖一年多，多次被影到兩人甜蜜約會，早前有傳秦舒培3月時已在美國誕下女兒，今日有相片流出，Edison相中抱住BB，似乎真係做咗老竇咁喎。

有網民洩出疑似是兩人為女兒舉行百日宴時的相片，相中見到Edison抱住B女，笑到見牙唔見眼，站在旁邊的秦舒培身穿鬆身衫，但完全看不出生完BB，依然保持住模特兒身材，而相中亦揭露了囡囡的英文名叫Alaia。而之前更有傳出Edison為了女友和BB在美國洛杉磯斥285萬美元（約2,250萬港元）購入超過4千呎的豪宅，看來現年36歲的Edison真的打算修心養性和女友建立一個家。