【領養激辯】貓貓一定要食罐罐？ 網民呻義工指超市糧「垃圾」
撰文：周詠雯
出版：更新：
繼早前有網民稱個別貓義工要求領養者在領養前，提供大量個人資料後，又有網民在網上稱，因計劃在超市買貓糧予貓貓進食，而被貓義工責罵「冇人教你餵罐頭咩？」引起不少網民加入討論，究竟貓貓應吃哪種糧？
貓貓食罐罐，一定會比乾糧好？（VCG）
網民Yako Yik在「天下貓貓一樣貓」facebook群組中發文，指貓義工到其家家訪時，詢問她會為貓貓餵哪種糧時，她回應「買惠康個啲多，有時都會去寵物店買啲零食咁」，但卻被義工斥「嗰啲垃圾嚟㗎，點食啊？」又指義工稱「無人教你餵罐頭咩？係咪無人教你餵罐頭啊？」
Yako Yik的帖文，引來不少網民討論。（「天下貓貓一樣貓」facebook群組截圖）
面對貓義工的詢問，Yako除了覺得對方「好寸」之外，亦指雖然知識貓義工一心為貓好，但「係咪一定個個領養都係富養呢？我保佢三餐安穩總好過流離失所啦！」隨即有不少網民加入討論，帖文發表不足一日，已有逾1,100個表情評價，亦有大量網民留言。
貓義工反問Yako，「係咪無人教你餵罐頭啊？」（VCG）
對於貓義工稱「超市糧係垃圾」，有網民指超市糧確實較飽肚，但並不健康，「倒頭來病左要醫咪仲貴」，亦有網民指，「入得室仲餵呢啲但求溫飽長食有害嘅垃圾糧咩」。
更多寵物文章：領養寵物交文件多過買樓做按揭？ 網民：去買貓係逼出嚟
餵飼乾糧抑或濕糧，網民亦有不同看法，「點解一定要比罐頭比貓食，濕糧會引致蛀牙，口腔發炎！我之前貓貓就係咁，攪到佢哋好痛」亦有網民指，選擇濕糧是為了替貓貓補充水份。
有網民認為，餵哪種糧應取決於貓貓的腸胃。（「天下貓貓一樣貓」facebook群組截圖）
+6
更多寵物文章：主子玩得興起時突然停下來舔毛？奴才必知主子潛台詞
但亦有網民批評，有人會視餵超市糧「講到你虐貓一樣」，「你唔餵自然organic糧就隨時被標籤成仆街」。網民Sam Sung Lok就在群組發帖並上載圖片，指「又有班人衝出黎話乜乜唔係流浪要食好啲」，同時批評此說法離地。稱自己養了兩隻貓，一隻4歲、一隻十多歲，也只是吃普通的罐罐和減肥貓糧，「都未病過」。