流浪狗狗慘遭退回 義工:試養人話狗狗唔夠活潑好動…

撰文:
最後更新日期:

流浪唐狗Mia於本年6月中獲試養家庭試養,狗狗本以為可以從此脫離落泊的生活。豈料兩個月後領養者向暫托家庭表示希望可以退養,理由竟是領養人認為狗狗性格不夠活潑好動。Mia現正再次處於落泊的處境,暫托家庭義工Irene表示一定不會放棄狗狗,並希望可以盡快為牠找到一個真正屬於牠的家,從此真正快樂地生活。

Irene於自己的社交平台上交待Mia的近況和處境。(FB@Irene Lau)

相關文章:港媽帶狗入電梯被怕狗港女喝令「出去」 網民:一人讓一步吧

義工Irene接受《香港01》訪問時表示:「4歲的Mia本來係一隻在山上流浪嘅狗狗,佢偶然之下遇上一位狗義工帶佢去絕育。呢位狗義工請咗位獸醫為Mia絕育之後,本來想將佢放返山上邊嘅,但後來發現狗狗本身住嘅山頭滿佈咗由「漁記」(漁農自然護理署)所設置嘅狗籠,當我知道狗狗遇到咁嘅情況,我就同嗰位狗義工希望接佢返屋企,為狗狗搵到一個好歸宿。」

Irene Lau發現狗狗本身住的山頭滿佈了由漁農自然護理署所設置嘅狗籠,因此決定先接牠回家,並計劃為狗狗找一個領養家庭。(FB@Irene Lau)

相關文章:主人搬屋將懷孕母狗棄於門外 義工:怎可以將家人棄之不顧

後來該位狗義工同意由Irene代為照顧Mia的生活,「初時其實有帶Mia去狗場住過一排嘅,但一嚟間狗場要收錢啦,二嚟我覺得佢哋對狗狗好差,成日都困籠,呢個情況其實都持續咗九個月,我最後真係唔忍心見到佢咁樣生活,所以我接咗佢返屋企同我一齊住。」Irene說道。

Irene形容Mia性格文靜、不太好動,脾氣亦相當好。(FB@Irene Lau)

相關文章:警犬堅持再累都只站著睡 網民心疼:謝謝你一直以來的守護

Irene接了Mia回家生活一段時間後終於收到一位女士的致電,告訴她希望試養狗狗,「本以為Mia終於守得雲開見月明,終於搵到一個新嘅家庭,但點知兩個月之後,嗰位女士打返畀我話要退養,原因竟然係因為佢認為Mia唔夠活潑,氹唔到佢開心。」Irene淡然地道。之後她又補充:「其實又唔可以怪晒嗰位女士嘅,但如果初初佢話佢想要一隻活潑好動嘅狗狗,我一定唔會建議佢養Mia,畢竟Mia嘅性格真係好文靜,從來我都無聽過佢吠咁制。」

Irene表示若然有《香港01》讀者有興趣領養Mia可以隨時聯絡她。(FB@Irene Lau)

「我一定唔會放棄佢!初初由執佢返嚟到到宜家建立咗信任,我一定會幫佢搵到住好人家,無人養佢嘅話,我養!」-Irene

現時Mia已重回Irene的家中繼續暫托,等待新家庭的來臨。當記者問到若然無人願意領養Mia的話,Irene打算怎樣辦?Irene立即打斷記者的問題並說道:「我一定唔會放棄佢!初初由執佢返嚟到宜家建立咗信任,我一定會幫佢搵到住好人家,無人養佢嘅話,我養!」;Irene又表示若然有《香港01》讀者有興趣領養Mia可以隨時聯絡她。(Facebook:Irene Lau

(FB@Irene Lau)

後記:記者於晚上六時許與Irene完成訪問後,正想執筆撰寫報導之時,Irene於九時多又突然向記者發了一個短訊,並希望有興趣領養Mia的有心人本身是一位愛狗以及有養狗的人士。記者與Irene溝通的過程中可以完全感受到,她是一位愛犬深切的女士,只是希望為狗狗Mia找到一個愛錫、珍惜及永遠的家。



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。