【毛孩與我】港女留學台灣收養10貓 畢業後全數帶返港

撰文:何穎琪
出版:更新:

「移民」一詞可能對一般人而言都較為陌生,更何況是「寵物移民」?這4個字彷彿跟「麻煩、勞累、昂貴」畫上了等號,令人敬而遠之。但香港女生Chloe竟選擇了迎難而上,親力親為帶整整10隻貓貓從台灣移民香港。

台灣留學意外收養10貓

Chloe 4年前隻身去到台灣就讀大學,卻在4年後意外收獲了10隻貓貓。「栗子」是Chloe收養的第一隻貓,當時只有6個月大。她憶述:「嗰陣咁啱係桃園有貓貓可以領養,佢就係栗子啦。我仲記得啱啱帶佢番屋企嗰陣,佢仲驚到瀨屎。」2個月後,一位居於南投的婦人,因健康問題而要棄養2隻約只有3個月大的貓貓;於是,Chloe便把牠們帶了回家。她為2隻貓貓取了名字,女的叫「麥皮」,男的叫「清水」。不久後,「栗子」和「麥皮」就誕下了6隻貓寶寶。►毛孩子有IG了,來追蹤我們吧!

【點擊圖片放大看,貓貓們的萌態】

+1

至於家中最黏人的長毛貓「麥兜」,則是後來Chloe收養的。約在貓寶寶出生後1年,她在居所附近的停車場發現了「麥兜」於該處徘徊。Chloe起初並沒有馬上帶牠回家:「頭2日我都冇理佢㗎,之後見過咗2個禮拜都冇人帶走佢,加上佢又好嗲人,所以就決定帶佢番去。」

圖為家中唯一的長毛貓「麥兜」。(受訪者提供)

相關文章:【寵物也移民】寵物一定要坐移民監? 4大熱門地寵物入境指南

帶貓貓回港程序繁複

不少人一聽到寵物移民便會卻步,認為手續必定非常繁複且費用高昂。Chloe是少數沒有被這個刻板印象嚇得退縮的主人,她從一開始就堅持要把10隻貓貓一併帶回香港,缺一不可。

Chloe憶述整個寵物移民過程耗時近半年,第一時間須帶貓貓注射疫苗。「要移民嘅話,首先要帶佢哋(貓貓)打狂犬針、普通疫苗同裝晶片先。做完呢啲之後要等一個月先可以搞其他手續。」完成疫苗注射的一個月後,主人便可以分別向兩地政府申請許可證及為貓貓預定機票。

寵物主人可以攜同辦妥的健康證明、檢疫證明和香港許可證,為寵物預訂機位。國泰航空和中華航空均有提供托運寵物的服務,但分別有不同的托運規定,Chloe補充:「扁鼻啲貓唔可以搭國泰,可能驚佢哋呼吸道易出事。但華航就一定要搵報關行幫手訂,自己就咁book係唔得。」委託國泰托運5隻貓貓共需$6,000新台幣,而透過華航託運4隻貓貓則須花費$12,000新台幣。在離境前三日即可預約於機場進行檢疫,檢疫需時約2至3小時。

雖然處理相關手續和文件一度令Chloe苦惱不已,但她從來沒有想過要撇下貓貓獨自回港。問及有否考慮過不帶貓貓回港,她立刻回答:「啲貓你由細養到大,佢哋又咁可愛,邊捨得唔要佢哋!」

看到最下面的黑貓Kuro嗎?(受訪者提供)

相關文章:港女帶狗移民台灣 嘆原來養狗可以光明正大 「牠們每天都在笑」

母親由厭貓變貓奴

除了移民手續外,Chloe最重要的考慮當然是家人能否接受貓貓們。由於母親不太喜歡動物,她起初甚為擔心:「如果佢真係唔接受,我點都會將貓貓帶番嚟,最多我搬出去住。」

為了令母親更容易接受貓貓,她特地在大學畢業時邀請母親到她台灣的家探望貓貓。就在這次會面後,Chloe母親對貓貓的態度可謂180度轉變。母親不但接納了貓貓,甚至經常偏心貓貓。Chloe笑指:「如果係我坐咗佢(母親)喺梳化個『王位』,佢就會趕我走。但我啲貓坐咗呢,佢就唔趕㗎。」原本是為了Chloe而重新裝潢的房間,母親也特意為貓貓留了一席地。她憶述當時母親的說話:「你間房我整咗個櫃專登放貓糧㗎啦。」說到這處,她不禁失笑:「明明當初話係為我裝修,而家變成係為咗我啲貓。」

Chloe笑指母親現在凡事也先替貓貓著想,貓貓在家的風頭已蓋過自己。(受訪者提供)

兩地文化有別 寵物待遇大不同

香港與台灣雖只相隔個多小時機程,但飼養動物的環境卻大相逕庭。Chloe坦言:「我覺得兩地最唔同係政策!台灣嘅商場同捷運一定可以俾寵物入,但香港地鐵又唔入得,公園又唔入得。同埋香港人冇咁歡迎貓,連喺鋪頭門口經過都唔俾。」她指有次與貓貓逛夜市的經歷令她印象深刻:「嗰次同栗子行士林夜市,佢突然喺我手上跳落地,我即刻捉住條繩。周圍啲人一見到佢就退開,讓咗正中間條路俾佢行,好壯觀。」

來自10貓主人的忠告

對很多人而言,養10隻貓是一項壯舉,彷彿遙不可及。然而,普通家庭出生的Chloe卻做到了。她指養10隻貓並不容易,「其實唔使花10倍時間,但都當然要用多好多(時間)。主要都係費用上(增幅較多)。」她現時每月約花$3000元購入貓糧及照顧貓貓。她直言:「以前一隻貓好快就搞掂,而家10隻全部都要梳毛同剪指甲。梳完一隻又到另一隻,淨係呢啲都已經用咗超多時間。」

【點擊圖片放大看,貓貓的日常生活】

+3

相關文章:【本地設計】解決土地問題 讓貓貓隨時跳上高台 港人網上眾籌

身為10隻貓貓的主人,Chloe認為養貓前必須三思。她提醒有意養貓的人:「最重要係要抽時間陪佢哋(貓貓)。如果你唔陪貓貓玩嘅話,有啲可能真係會有抑鬱病。上次我去咗3日旅行,番嚟之後佢哋就嬲咗我。」為了愛貓,她不惜放棄自己興趣,「其實我本身真係好鐘意去旅行,一年會去幾次日本。但我而家都會覺得,『去少啲旅行啦都係』。」

你可能感興趣