港人遊智利遇流浪狗導遊　帶領上山下山　觀光設時限

遊行團到外地旅遊，一般都會有導遊帶領參觀名勝古蹟，但有否想過導遊竟是一隻狗狗。
一對港人夫婦日前到南美洲旅遊，當他們到達智利後，在風光名勝聖克里斯托瓦爾山（又稱聖母山），竟與當地浪流狗展開一段奇妙旅程。人狗雖然互不相識，但竟一見如故，狗狗更帶領他們遊歷，仿佛成了真正的導遊。《香港01》訪問了這對夫婦，分享他們的奇遇。

徒步登上聖母山

港人Fion與丈夫於9月底到南美洲旅遊，遊歷巴西、阿根廷及智利。行程到了第12日，他們一早出發到智利第一大景點「聖克里斯托瓦爾山」，由於山上有一尊高達14米的聖母像，所以又被稱為聖母山。

可惜，登山纜車因定期維修而關閉，他們只好花兩小時徒步上山。接連遊歷三個國家，Fion已經感到非常疲憊，而通往聖母像的山路亦較為陡斜，她走路10分鐘左右，已經放慢腳步。此時，他們的身邊突然出現一隻流浪狗，牠走到他們的前方，「最初我哋都無為意，不過佢行行下會擰轉頭望我哋。」

相關文章：美少女牙買加旅遊發現瘦弱流浪狗　籌款將牠帶到美國收養

狗導遊設觀光時限

Fion慢慢發現牠好像跟著他們的步伐，每當他們落後，牠就會停下來休息，當他們走近，牠又會再起行，「當佢行到轉角位，我哋以為佢走咗，點知原來佢趴咗喺地下等我哋，好似帶住我地咁。隔咗一陣，我地試下停低休息唔出現，睇下佢會點。結果，佢就不停吠，佢好似見唔到我哋，就叫我哋行快啲咁。」

「我沿路好擔心佢會口渴，因為太陽好曬，沿路又無水，而佢一直都同我有段距離，我畀唔到水佢飲。」幸好，山頂的巴士站有一個水池，Fion和先生在旁邊拍照的時候，牠便走到水池喝水。正當他們以為狗狗的目的地就是水池，打算繼續往聖母像的方向邁步之際，牠又再次跟在他們身邊。「我哋影相時，佢都會坐喺度等我哋影相，就好似跟住我哋嘅步伐咁。」

Fion指，聖母像前有一道石階，他倆沿路亦不停拍照，狗狗亦在他們身邊打轉，所以每張照片都可以看到牠的身影，「我哋影相嘅時候，有一刻發現佢唔見咗，以為佢走咗，結果我地行到上聖母像，發現佢原來坐咗喺度等緊我哋，我覺得佢就好似一個導遊咁。」

狗導遊一隻接一隻

欣賞山上的風景後，他們便準備下山。此時，牠身邊突然出現另一隻黑色流浪狗，Fion指牠們好像在聊天似的，「佢哋互相聞對方之後，原本帶我哋上山果隻狗狗就走咗，由呢隻黑色狗帶住我哋落山。」

他們即使走進教堂或商店，牠都會跟在旁邊。而且黑狗的性格黏人，牠甚至會貼著她的腳邊走路，讓Fion覺得牠非常親切。下山沿途有一家小茶座，他們便在茶座休息，而黑狗更加會靠在Fion腳邊，「好似我就係佢嘅主人咁！」直至他們差不多到達山腳，黑狗就好像完成任務似的離開了，結束了這段奇妙旅程。

智利流浪狗　與香港大不同

當他們到達智利，已經發現街上有很多流浪狗，幾乎隨處可見，「佢哋完全唔似係流浪狗，佢哋毛色又靚，又肥嘟嘟咁，我估計有人餵佢地食嘢。而且智利有好多公園，可以比佢哋生活。佢哋懶洋洋，會喺陽光下面瞓教，生活好寫意。」她分享在聖母山纜車站外看到的景象道，「入面有十幾隻狗，管理員好好人，唔會趕走佢哋，隨佢哋瞓教、休息。」

Fion認為智利和香港的流浪狗有很大分別：「感覺好唔同，佢哋嘅流浪狗好友善，會主動走近人身邊，想我哋摸佢。香港嘅流浪狗會好驚人，可能香港有好多人傷害狗，佢哋會覺得有人想襲擊佢。而且佢哋大多數都好瘦，好似要委曲求全。」