【天水圍走失貴婦狗】媽媽苦尋「愛女」500天:我唔會放棄搵佢

撰文:
最後更新日期:

要堅持做一樣東西500多天的時間,你可以嗎?2017年5月26日的下午,狗主杜女士於天水圍頌富溜狗期間不慎走失6歲貴婦狗「小妹」,雖然已事隔一年多,但她仍堅持搜索。杜接受訪問時表示,經常為走失愛犬一事而感到自責及煎熬。

一年多期間她不停於各大社交群組發帖,希望借助網民力量尋犬,更表示不少天水圍街坊都因為走失愛犬一事而認識她。雖知尋獲機會渺茫,但她每天仍會鍥而不捨外出尋犬,「我永遠唔會放棄搵佢!一秒都無諗過放棄!」

主人杜女士日前再於Facebook各大狗狗群組發文,盼有天水圍居民能幫忙尋找6歲貴婦狗「小妹」。(FB@Dora La)

主人杜女士日前再於Facebook各大狗狗群組發文,盼有天水圍居民能幫忙尋找6歲貴婦狗「小妹」:「小妹腳仔做過兩次大手術,氣管有事,長期都要用好多錢去看醫生同食藥,如果邊位好心人收留咗小妹的話,請做個好心比返小妹出來,我一定會報答你的恩情,重酬回報!」

如果邊位好心人收留咗小妹的話,請做個好心畀返小妹出來,我一定會報答你的恩情,重酬回報!
杜女士

杜女士接受訪問憶起與狗狗之間往事時,不禁哽咽。(受訪者提供)

婆婆尋走失狗狗57天 凌晨登山再次撲空 跪下淚崩:好想你

▼▼▼▼點撃圖片看小妹特徵!幫忙尋狗!▼▼▼▼

杜女士接受《香港01》訪問時表示,走失狗狗一年多的時間,她經歷了不少煎熬,「我每日都不停出去揾小妹,有時掛住佢得濟真係會心都散晒,呢一年個人都心煩到無咩記性,小妹真係等同我親生女兒一樣,希望各位讀者可以幫幫忙留意下,感激不盡!」

每當我行過公園,個個街坊都會問我搵返「小妹」未,講真,我真係好掛住佢…
杜女士

杜女士表示走失小妹逾一年,每天上下班都會先到區內附近尋找愛犬。(FB@Dora La)

主人:佢係我個女嚟 唔會放棄佢

一年多的尋覓,苦無結果。杜女士指,每天上下班都會先到區內附近尋找小妹,「依家我每一次落到街搵小妹,所有街坊基本上都認得我,唔少人次次都會問我『你搵返隻狗狗未』,全部人都知我上年唔見咗隻狗。」對於會否放棄尋狗,杜女士表示從沒打算放棄尋找狗狗:「如果要放棄(尋狗),我就唔會等到今時今日都仲每日落去搵!佢係我個女嚟,我唔會放棄佢!」

如果要放棄(尋狗),我就唔會等到今時今日都仲每日落去搵!佢係我個女嚟,我唔會放棄佢!
杜女士


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。