番號 LK-072!玩完 AV 系 trap 歌再 vaporwave 花式致敬梅艷芳

撰文:
最後更新日期:

雖然講馬不一定需要懂騎馬,但還是練馬師出身的董標講得最好聽。身處在這個人人躲於鍵盤背後,無需為網上發言負責任的風氣下,若然你能展示相關技能也就不至於「得個講字」。近月接連推出兩首新作的 LK-072 反別 trap 以及 vaporwave 兩種餘熱未消的音樂類型,根底絕不馬虎,但無論 mv 抑或表現形式都露出濃厚的挑釁惡搞意味。到底這個橫空出世,以日本成人影片(AV)格式為名的 LK-072 是何許人物呢?

問:扭耳仔 答:Locka(LK-072)

 

請簡單介紹一下 LK-072。

係同 naturehin@話梅鹿(我條仔)嘅日常消閒活動。

第一首歌歌名〈ちんこマンコ〉其實點解?歌曲背後有咩構思?

歌名直譯意思係「撚 閪」,因為覺得 trap 呢種風格嘅歌詞好垃圾,唔需要有咩意思,可以只係用黎營造個 vibe - 呢部份受火炭麗琪影響 - 所以我哋上網搵左啲日文字句,再套用 trap 的方式去 troll 返呢種音樂。另外想講點解第一首歌要玩 rap 呢?係因為見到痴脷筋都可以玩 rap,咁我都可以。

 

可否大約講下日文歌詞嘅內容?

AV 常見句子和日文旅行用語(credit to google translate)。

 

名字本身借用AV格式,咁 LK-072 喺美學上主要受邊個 AV 廠商影響?

無sor

 

LK-072 有冇特別想做嘅題材/表達嘅訊息?

只要係引起我興趣嘅題材,我都覺得自己可以做得好過現時市面上8成人。香港人唔應該再接受咁一般嘅音樂,或者咁悶嘅畫面。我覺得好多人只係學左個殼,但去得唔夠盡,not fun。

 

咁目前有邊一位 local artist 你認為係去得夠盡?

QQBBG,難聽得好盡,聽完覺得自己好似去左地獄,政府應該買返首歌嚟做行刑工具或者播嚟驅散示威者,好用過胡椒噴霧。做得好嘅我覺得係米奇老味,鳩味去得幾盡,亦都好放得開,但私底下竟然好有禮貌。另外,東方昇都係一個去得好盡嘅 artist,欣賞。

見到另一首新歌〈夏の憂鬱˜s a d n e s s˜〉嘅 mv 轉玩八十年代日本及香港電視影像風格,音樂上又係向邊類 artist 取經呢?

梅艷芳,林志美,松田聖子,中森明菜,而原曲來自山下達郎。(邊首?)係〈 Summer Blue 〉,本身只係想做個 vaporwave remix ,但唔小心做多咗,變咗首新歌。

 

而日文歌詞係借用 L'Arc~en~Ciel 首同名歌

無錯, laruku 絕對係我中學時期嘅神 band ,所以想用呢種方式去貼近佢哋,好似同 Hyde 合作咗咁哈哈。

深宵紏纏今晚今晚失眠 痴心太遲想見想見一面 煙熡窗前請你請你出現
LK-072

首歌嘅 Youtube info 有寫但都係問多次,中文歌詞係你兩個自己填?事關無論詞意同聽上去都真係幾似八十年代嘅梅姐/徐小鳳(配合 future funk 底電音令我聯想起陳年組合 Daft Pink )。

中文歌詞係我哋自己寫嘅,呢首歌之前我係完全未寫過廣東話歌詞,覺得搵啱字去押韻好難,今次喺男朋友嘅指導之下,加上用自己聽開張國榮梅艷芳果啲去攞個韻味,先寫到啲咁老土嘅歌詞。

 

嚟緊會想做咩題材?

七十年代德國電音,或者係韓國 lo-fi hip hop 野,例如 offonoff 果種做少好過做多嘅音樂。

 

LK-072 目前有冇演出計劃?如有,理想中嘅演出場面會係點?

無,但想要一堆m男觀眾,當然m女都得。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。